Iginiit ng Malacañang na iilan lang ang maituturing na insidente ng tanim-bala sa Ninoy Aquino International Airport at kailangan pang pag-aralang mabuti ang naturang kontrobersiya.
Ikinatwiran ni Presidential Spokesperson Edwin Lacierda na “meron lang ay yaong inirereport sa media na lihis. Kaya nais ng Pangulo na magsagawa ng malawakang imbestigasyon.”
Inihalimbawa ni Lacierda ang kaso ng isang turistang Hapones na nahulihan ng bala sa kanyang maleta. Aniya, “Inamin po niya na nanggaling siya sa isang shooting range, nadala niya iyong bala mismo. Kaya wala iyong ibinibintang na pagtatanim ng bala.”
Kaugnay nito, inihayag ni Lacierda na wala pa ring balak na tanggalin ni Pangulong Benigno Aquino III sa puwesto si Manila International Airport General Manager Jose Angel Honrado sa kabila ng panawagan ng ilang mga kongresista na sibakin ito dahil sa laglag-bala incidents sa NAIA.
Nauna rito, sinabi ni Lacierda na ipinag-utos na nina Pangulong Aquino at Department of Transportation and Communication Secretary Joseph Emilio Abaya ang imbestigasyon sa umano’y “laglag-bala” scam sa NAIA.
Ipinag-utos na rin ni Abaya ang pagdadagdag ng mga closed-circuit television camera sa mga terminal ng pandaigdigang palirapan.
Tags: laglag-bala, NAIA, tanm-bala
