Iginiit ng Malacañang na ginawa nila ang kanilang bahagi para maipasa ang mahahalagang panukalang batas sa Kongreso.

Ilan sa priority bills na isinusulong nito ay ang Freedom of Information at Anti Dynasty Bills.

Ayon kay Presidential Communications Secretary Herminio Coloma Jr., ang aksiyon ng mga mambabatas sa mga panukalang batas ay base sa pagpapahalaga ng sentimyento ng kanilang mga constituents.

Sa kabila nito, ani Coloma, patuloy naman nilang susuportahan ang prinsipyo ng dalawang panukala.

Tiwala aniya ang pamahalaan na maipapakita ng mga botante ang kanilang suporta sa prinsipyo ng naturang mga panukala pagdating ng halalan.

(Jerico Albano / UNTV Correspondent)

Tags: Malacañang