Pitumput tatlo lamang sa tinatayang 310 na mga pulis mula sa National Capital Region na ipadadala sa Basilan ang dumalo sa send-off ceremony sa Camp Bagong Diwa sa Taguig kaninang umaga.
Tila ikinais naman ni NCRPO Chief Oscar Albayalde ang hindi pagdating ng karamihan sa mga ito.
Pinangaralan din ni Albayalde ang mga ito matapos na may kumuwestyon sa direktiba ng pangulo na dalahin ang mga irereklamong pulis sa Mindanao.
Pinabulaanan ng pamunuan ng NCRPO ang napapabalitang may nangyaring bayaran kaya ang ilan sa mga kasama sa naunang listahay ay natanggal, dumaan aniya sa proseso ang lahat bagi ang pormal na pag-isyu ng mga listahan ng mga pulis na ipapadala sa Basilan.
Sa halip, hinamon niya ang mga nasabing pulis na patunayang kaya nilang magbago at maging tapat sa serbisyo.
Mamayang alas diyes ng gabi babalik ang mga pulis sa Camp Bagong Diwa dala-dala na ang kanilang mga gamit.
Ala una naman ng madaling araw sabay-sabay na aalis ang mga ito patungong Villamor airbase para sa kanilang biyahe patungong Zamboanga sakay ang C130.
Mula sa Zamboanga, ililipat sila ng sasakyan patungo naman sa kanilang destinasyon, sa Basilan.
(Aiko Miguel / UNTV Correspondent)
Tags: Basilan, hindi dumalo, Mga pulis, NCR, send-off ceremony
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – Hindi pa muna ibinibilang ng Metropolitan Manila Development Authority (MMDA) kung ilan ang nasita na mga E-bike at E-trike na dumaraan sa national roads sa Metro Manila.
Kahapon (April 15) ang petsa kung kailan ipatutupad ang ban sa mga nabanggit na e-vehicles sa mga pangunahing kalsada.
Ayon sa ahensya, hindi pa sila mag-iisyu ng violation ticket hanggang ngayong Martes April 16 upang bigyan pa ng panahon ang publiko na malaman ang bagong batas trapiko.
METRO MANILA – Pinamamadali na ng Alliance of Concerned Teachers (ACT) National Capital Region (NCR) union ang pagbabalik ng tradisyonal na school calendar na nagsisimula sa buwan ng Hunyo.
Layon ng nasabing panawagan na maprotektahan ang mga estudyante at kabataan sa gitna ng nararanasang matinding init ng panahon sa bansa.
Naniniwala naman ang grupo ng mga guro na kaya itong isagawa ng Department of Education (DepEd) kung gugustuhin.
