Patuloy na nakaaapekto sa bansa ang El Niño Phenomenon.
Ayon sa PAGASA, nasa 32 lalawigan ang kinulang sa ulan kumpara sa mga taong walang umiiral na El Niño.
Umabot sa 17 lalawigan ang nakaranas ng drought o mahigit sa 60% na bawas sa dami ng ulan sa 3 magkakasunod na buwan na karamihan ay sa Mindanao.
12 lalawigan naman ang may dry spell din o 21-60% na bawas sa ulan sa loob ng 3 magkakasunod na buwan, habang 3 lalawigan naman ang nasa ilalim ng dry condition o 2 magkasunod na buwan na nasa 21-60% ang bawas ng ulan.
Ayon sa pagasa tatagal ang epekto ng El Niño sa bansa hanggang sa kalagitnaan ng 2016 subalit sa ngayon ay may indikasyon na posible pa itong humaba.
Ngayong taon naman ay matinding init din ang posibleng danasin ng ilang lugar sa bansa lalo na sa tag-araw.
Ayon sa PAGASA, sa Abril ay posibleng umabot sa 41.5’C ang temperatura sa mga mabababang lugar sa Luzon gaya ng Tuguegarao.
Sa pagtaya ng PAGASA, 85% ng bansa o 68 lalawigan ang makararanas ng drough o malaking kabawasan sa ulan.
Hanggang sa Hunyo naman ngayong taon ay tinatayang nasa 2-6 na bagyo ang pumasok sa PAR.
(Rey Pelayo / UNTV Correspondent)
Tags: 30 lalawigan, drought, el nino phenomenon
Somalia says 110 people have died from hunger and diarrhea in the past two days as severe drought threatens millions across the country.
The United Nations said in January, five million Somalis do not have enough food because of drought and military conflict between the Islamist Militant Group Al Shabaab and Somali government.
Famine last struck Somalia in 2011, killing 260,000 people.
Tags: drought, past 48 hours, Somalia
Mababa parin sa normal ang naitalang mga pag-ulan sa ilang lugar sa bansa sa buwan ng Mayo kahit na inianunsyo na ng PAGASA ang pagpasok ng tag-ulan.
Base sa May 29 record ng PAGASA, 11 lalawigan parin ang apektado ng drouht o mahigit sa 60% na pagkabawas ng ulan sa loob ng 3 magkakasunod na buwan.
Karamihan sa mga ito ay nasa Luzon, 2 sa Visayas at 3 sa Mindanao.
Bukod dito ay may 24 na lalawigan naman na apektado ng dry spell o 21-60% pagkabawas na pagulan sa loob din ng 3 magkakasunod na buwan.
Ang Ilocos Norte at Quezon ay nakararanas parin ng dry condition o 21-60% pagkabawas na pagulan sa loob naman ng 2 magkasunod na buwan.
Ayon sa PAGASA, bagama’t pahina na ang El Niño ay may epekto parin ito sa bansa.
Mula naman sa Hulyo ay malaki ang posibilidad na magupisa na ang La Niña condition at sa huling bahagi ng taon hanggang sa unang bahagi ng 2017 ay tinatayang mararanasan ang impact nito sa bansa na magdudulot naman ng mga pagbaha.
Nauna nang sinabi ng pagasa na posibleng umabot sa 8-17 bagyo ang pumasok sa Philippine Area of Responsibility hanggang sa buwan ng Oktubre subalit ngayong Hunyo ay 1 lamang.
Ayon naman kay PCOO Sec.Sony Coloma, pinaghahandaan ng pamahalaan ang posibleng maging impact sa bansa ng La Niña partikular sa agrikultura, flood control at disaster risk reduction.
(Rey Pelayo / UNTV Correspondent)
Tags: 11 lalawigan, drought
Humihina na ang El Niño phenomenon na umiiral sa Eastern at Central Equatorial Pacific dahil sa pababang temperatura ng karagatan.
Ayon sa PAGASA, ang indikasyon nito ay ang mga pag-ulang nararanasan sa iba’t-ibang lugar sa bansa.
Nabawasan narin ang mga lugar na nakararanas ng tag-tuyot.
Sa buwan ding ito inaasahang maguumpisa ang pagiral ng Southwest Monsoon o Habagat subalit hangggang sa kalagitnaan ng Mayo ay posible paring maramdaman ang maalisangang temperatura.
Ayon sa PAGASA, malaki parin ang tsansa na umiral naman ang La Niña sa tag-ulan na posibleng magdulot ng malawakang pagbaha lalo na sa mga mabababang lugar.
Mula Enero hanggang ngayon ay wala pang pumapasok na bagyo sa loob ng philippine area of responsibility subalit hanggang Setyembre ay posibleng may 5 bagyo na.
(Rey Pelayo/UNTV NEWS)
Tags: el nino phenomenon
