Mahigit walumpung residente ang na-suffocate sa bayan ng Sukari sa Aleppo matapos ang umano’y pambobomba gamit ang chlorine gas noong Martes.

Batay sa video na inilabas ng Syrian Civil Defense Group, makikita ang mga emergency workers na pinaliliguan ang mga bata ng tubig at binibigyan ng oxygen masks para makahinga.

Ayon sa ulat, ilang helicopters ang nagpakawala ng barrel bombs na naglalaman ng chlorine.

Walang naitalang nasawi sa insidente.

Patuloy ang ginagawang pagaasikaso ng mga emergency workers sa mga naapektuhang residente.

Tags: Aleppo, Mahigit 80, Syria, umano’y chlorine gas attack