Muling binalikan ng Members Church of God International (MCGI) ang syudad ng San Jose del Monte sa Bulacan upang magsagawa ng medical mission sa kanilang lugar.
At sa pagkakataong ito, ang Brgy. Muzon naman ang kanilang dinayo.
Ayon sa nagrequest ng medical mission na si Jody Mar Bartolome, ang chairman ng isang non-governmental organization sa lugar, maraming mga nangangailan ng tulong sa lugar sa kabila ng pagiging isang maunlad na syudad nito.
Tulad na lamang ni Aling Rose Marie Matik na siya nang nag-aalaga sa kanyang limang apo.
Bukod sa libreng medical consultation, mayroon din libreng optical consultation, laboratory tests, massage at libreng tuli ang grupo. Nabigyan din ng libreng gamot ang mga nagpakonsulta.
Sa kabuuan umabot sa pitong daan at apatnapu’t pito ang napaglingkuran sa medical mission.
( Nestor Torres / UNTV Correspondent )
