Mahigit 300 inmates ng Danao City Jail, napaglingkuran sa medical mission ng MCGI at UNTV

by Radyo La Verdad | July 22, 2016 (Friday) | 2566

Dinayo ng medical team ng UNTV at Members Church of God International ang Danao City Jail upang magsagawa ng medical at dental mission.

Marami sa mga preso dito ang maysakit at hindi nabibigyan ng atensiyong medikal kaya napili itong bigyan ng serbisyong kasangbahay.

Kabilang sa medical services na ipinakaloob ay ang libreng medical checkup, libreng pabunot ng sirang ngipin at libreng gamot.

Sa kabuuan, tatlong daan at labingpitong inmates ng Danao City Jail ang napaglingkuran sa medical at dental mission ng UNTV at MCGI.

Nagpapasalamat naman ang pamunuan ng Danao City Jail sa ipinagkaloob na tulong medikal ng UNTV at MCGI.

(Marlhon Abique / UNTV Correspondent)