Striktong ipinatutupad ngayon ng Olongapo City Government ang city ordinance no. 36 series 2016 o ang anti-bullet and open pipe muffler.
Kasunod ito ng dumaraming bilang ng nagrereklamo dahil sa mga maiingay na motorsiklo.
Ang mga ikinokonsidera na illegal mufflers ay ang open, bullet type, at modified muffler na lumilikha ng maingay na tunog.
Kahapon ay sinira ng Office of Traffic Management & Public Safety ang dalawang daan at pitungput limang illegal muffler. Nagkakahalaga ng 3,000 hanggang 15,000 piso ang mga sinirang muffler.
Ang mga lalabag sa city ordinance no. 36 ay pagmumultahin ng 2,000 piso at iiimpound ang motorsiklo.
( Leslie Huidem / UNTV Correspondent )
Tags: illegal muffler, motorsiklo, Olongapo City
Nawalan ng malay ang motorcycle rider na ito matapos maaksidente sa southbound ng Commonwealth Avenue malapit sa Mindanao Avenue Extension bandang alas dose y medya kaninang madaling araw.
Agad tumawag ng tulong ang ilang motorista at pulis na nagkataong nagpapatrolya sa nasabing lugar.
Rumesponde naman kaagad ang UNTV News and Rescue Team at naabutang nakadagan sa kaliwang paanan ng lalaking biktima ang minamaneho niyang motor.
Maingat na inalis ng grupo ang motorsiklo na nakadagan sa biktima na kinilala na si Jeffrey Badrina, trenta’y dos anyos, isang security guard.
Nagtamo si Badrina ng sugat sa kanang braso at nagkamalay ito nang maassess ng UNTV Rescue. Nakaramdam din ang biktima ng pagkahilo dahil sa aksidente.
Agad nilapatan ng pangunang lunas ng UNTV News and Rescue ang mga pinsala ni Badrina.
Samantala, nakuhanan naman ng dash cam ng minamanehong SUV ni Ryan Banzal ang pagkatumba ng rider na posibleng nagmamaneho ng nakainom ang biktima.
Hinatid na lang ng UNTV News and Rescue si Badrina sa bahay nito sa Barangay Regalado matapos tumangging magpadala sa hospital.
( Reynante Ponte / UNTV Correspondent )
Nakaupo sa gilid ng kalsada, duguan ang mukha at may sugat sa iba’t-ibang bahagi ng katawan ng datnan ng UNTV News and Rescue Team ang bente dos anyos na si Ryan Guevarra sa tapat ng UP Technohub sa may Commonwealth Avenue, alas onse y medya kagabi.
Ayon sa isang rider na nakakita sa pangyayari, matulin ang pagpapatakbo ng biktima sa kanyang motorsiklo. Nagpagegewang pa ito bago biglang nagpreno at tumilapon ang biktima sa kalsada.
Agad nilapatan ng pangunang lunas ng UNTV Rescue ang biktima na tumanggi nang magpadala pa sa ospital.
Tinawagan na lamang ng UNTV Rescue ang kaniyanag magulang upang ipaalam ang pangyayari.
Makalipas ang ilang sandali ay dumating ang kaniyang magulang at kapatid upang iuwi sya sa kanilang bahay. Aminado naman ang biktima lasing ito at galing ng inuman.
Tinulungan naman ng UNTV News and Rescue Team ang 49 anyos na si Armin Ayran na Tumilapon mula sa sinasakyan niyang tricycle sa Brgy. Granada Highway, Bacolod City, kahapon ng alas onse ng gabi.
Ayon sa bystander na nakakita ng aksidente, binabaybay ng tricycle na sinasakyan ng biktima ang highway nang may mabilis na motorsiklo na bumangga sa sinasakyang niyang tricycle kaya ito tumilapon sa kalsda. Nagtamo ng mga gasgas sa mukha at tuhod ang biktima at iniinda ang pamamaga ng balikat at pagkahilo.
Agad namang nilapatan ng paunanglunas ng UNTV Rescue Team si Ayran at saka dinala sa Doctor’s Hospital.
Wala namang tinamong pinasala ang driver ng motorsiklo at tricycle.
( Victor Cosare / UNTV Correspondent )
Tags: motorsiklo, tinulungan, UNTV NEWS AND RESCUE
Kahit kita sa CCTV ang mga riding-in-tandem na sangkot sa krimen, hirap ang mga otoridad na kilalanin ang mga ito dahil hindi mabasa ng malinaw ang plaka.
Kaya naman sa Kamara, tinatalakay na ngayon sa House Committee on Transportation at Committee on Public Order and Safety ang Motor Cycle Crime Prevention Act of 2017. Sa panukala, dodoblehin ang laki ng kasalukuyang sukat ng plaka ng motor.
Ayon kay House Committee on Public Order and Safety Chairman Rep. Romeo Acop, maliban sa likod, lalagyan na rin ng plaka sa harap at gilid.
Para kay Police Supt. Edwin Engay, legal officer ng PNP Highway Patrol Group, makakatulong ito para mabawasan lumolobong bilang ng krimen gamit ang motorsiklo.
Pero para kay Jobert Bolanos ng grupong Riders of the Philippines, delikado ang masyadong malalaking plaka dahil posible itong tangayin ng hangin at magdulot ng aksidente sa daan.
Dagdag pa nito, hindi pa rin ito makakabawas sa krimen dahil kadalasang ginagamit ng mga kriminal ay nakaw na motor o pekeng plaka.
Pasado na sa Senado ang panukalag batas na ito pero sa Kamara, dadalhin pa lang ito sa Technical Working Group.
Samantala, pinag-aralan narin ngayon ng kumite ang mga panukalang i-regulate ang paggamit ng habal-habal o motorcycle taxi.
( Grace Casin / UNTV Correspondent )
Tags: Kamara, motorsiklo, plaka
