Nakararanas ngayon ng lima hanggang anim na oras na power interruption ang anim na munisipalidad at syudad sa Masbate.
Kabilang sa mga apektadong lugar ang Bayan ng Uson,Mobo, Cawayan, Dimasalang Baleno, Milagros at ilang barangay sa Masbate City.
Ayon sa Masbate Electric Company o MASELCO, kailangang ipatupad ang load shedding dahil sa kakulangan ng supply ng kuryente sa lalawigan.
Ayon kay OIC Technical Manager Elmo Sese Jr, kulang ang kuryenteng naisusupply ng mga genset ng DMCI Holdings Incorporated na nagsisilbing power provider ng MASELCO.
Nagsasagawa naman na ng preemptive maintenance ang dmci sa isa nilang genset.
Samantala, humingi na ng tulong sa National Electrification Administration ang mga alkalde sa lugar na apektado ng power shedding upang agad na masolusyunan ang problema sa kakulangan ng supply ng kuryente na naaka-apekto ng malaki sa mga negosyo sa lalawigan.
(Gerry Galicia / UNTV Correspondent)
Tags: Load shedding, Masbate Electric Company, supply ng kuryente
METRO MANILA – Tiniyak ng Department of Energy (DOE) na masasapatan ang demand sa kuryente pero posibleng may dagdag-singil.
Isa sa naging problema ng ahensya ang kawalan na nasa 1,200 megawatts kaya nagkaroon ng maraming limitasyon ang kagawaran upang maserbisyuhan ang publiko.
Dagdag ng DOE, nagsimula ito noong June 2022 bago pa umupo si Pangulong Ferdinand Marcos Jr. bilang presidente ngunit mariin ding iginiit ng kagawaran na simula ng Marcos administration ay hindi nagkaroon ng brownout bunsod ng kawalan ng suplay ng kuryente.
Ayon kay Energy Secretary Raphael Lotilla, malaki ang tulong ng mga Liquefied Natural Gas (LNG) sa pag-supply ng kuryente kaya aniya, kung may mga pribadong sektor na nais magtayo pa ng mga planta ay mas maraming mga Pilipino ang makikinabang dito.
Ilan sa mga paraan upang makatipid sa pagkonsumo ang pagpatay ng electric fan kung hindi ginagamit
Gayundin ang pagpatay ng ilaw sa umaga at kung walang tao.
Mahalaga rin ang pagsara ng mga refrigerator at ang palagiang pag-defrost nito.
Sikapin din ang paggamit ng plantsa ng isahan at ang pagu-una ng mga makakapal at mabibigat na damit upang ang natitirang init ay lubos na magamit.
At ang pagpatay ng mga electric appliances tulad ng telebisyon kung wala namang nanonood.
(Bernadette Tinoy | UNTV News)
Tags: DOE, supply ng kuryente
METRO MANILA, Philippines – Nasa alanganin ang reserbang kuryente ng Luzon simula pa noong Lunes. Ibig sabihin, manipis o kakaunti ang reserbang kuryente na maaaring magdulot ng brownout. Kaya naman apat na araw nang isinasailalim sa yellow alert ang buong Luzon grid.
Ngayong araw, 920 megawatts na kuryente ang nawala sa Luzon grid dahil sa pagpalya ng ilang power plants.
Bagsak ang Pagbilao 3 na nagsusupply ng 420mw, ang SLTEC na may 150mw, ang Malaya 2 na may 350mw at apat pa na mga planta sa Luzon.
Bukod sa mga unplanned outages mataas rin ang demand ng kuryente sa Luzon dahil sa mainit na panahon.
Ala una hanggang alas kwatro ng hapon itinaas ang yellow alert dahil ito ang mga oras kung saan mataas ang konsumo ng kuryente ng mga consumer.
Nagbabadya rin tumaas ang singil sa kuryente sa susunod na buwan dahil sa ilang araw na yellow alert.
Ayon sa Meralco may epekto sa binabayarang bill ng mga consumer kapag numinipis ang supply dulot ng mga unplanned outages.
Nanawagan naman ang isang consumer group sa doe na itigil na ang gag order hinggil sa pag aanunsyo ng yellow alert sa publiko.
Ayon sa grupo, may karapatan ang mga consumer na malaman kung ano ang nangyayari upang makapaghanda ang mga ito sakaling mawalan ng kuryente Ayon naman sa DOE nagpatupad sila ng gag order sa pagaanunsyo ng yellow alert upang huwag itong makaapekto sa pagtaas ng kuryente sa merkado.
Samantala, magiikot naman ang Meralco at DOE sa mga establisyementong malakas komunsumo ng kuryente upang paalalahanan ang mga ito na magtipid upang makatulong na mapalaki ang reserba ng kuryente sa Luzon.
Inihahanda naman ng Meralco ang interruptible load program sakaling tuluyang bumagsak ang reserbang kuryente ng Luzon.
(Mon Jocson | UNTV News
Tags: Luzon grid, Meralco, power plants, supply ng kuryente
Mawawalan ng supply ng kuryente ang ilang bahagi ng Maynila at Muntinlupa City ngayong araw hanggang bukas.
Sa abiso ng MERALCO, apektado ng ipatutupad na power interruption mamayang alas onse ng gabi hanggang alas cuatro ng madaling bukas ang bahagi ng national highway mula sa Calle Nuevo Street hanggang sa bahagi ng Lyceum of Alabang sa Barangay Tunasan, Muntinlupa.
Dakong alas onse y medya naman ng gabi hanggang alas cuatro y medya ng madaling araw inaasahang mawawalan ng kuryente ang Philippine Columbian Association Compound sa may Plaza Dilao Road sa Paco, Manila.
Ang power interruption ay dahil sa nakatakdang maintenance ng MERALCO.
Tags: ilang bahagi, Maynila, Muntinlupa City, supply ng kuryente
