BACOOR, Cavite – Matapos makatanggap ng ulat ang Bacoor City Police patungkol sa panunutok ng baril ng isang lalaki, agad na pinuntahan ng pulisya ang Barangay San Nicolas Tres sa Bacoor City kahapon.

Nagkaroon ng habulan at palitan ng putok ng baril sa pagitan ng suspek at mga otoridad.

Kinilala ang napatay na si Marcelo Ruiz na kabilang din umano sa mga naarestong tulak ng iligal na droga noong isang linggo.

Nakumpiska kay Ruiz ang ginamit nitong kalibre trentay otsong baril at mga bala.

Sa ngayon ay apat na tumakas na bilanggo na lang ang patuloy pang pinaghahanap ng pulisya.

Panawagan naman ng hepe ng Bacoor City Police na sumuko na ang mga ito.

( Benedict Samson / UNTV Correspondent )

Tags: Bacoor City Lock Up Cell, iligal na droga, Marcelo Ruiz