Nasa La Niña watch ngayon ang pagasa dahil lumaki ang posibilidad na umiral ang phenomenon pagkatapos ng El Niño.
Ayon sa senior weather specialist at OIC ng climate monitoring and prediction section ng PAGASA na si Anthony Lucero, bagama’t umiiral parin ang “strong” El Niño ngayon ay may ipinakikita nang indikasyon ang karagatan na magkakaroon ng La Niña sa huling bahagi ng 2016.
Mas malaki ang tsansa na makaranas ng impact ng La Niña ang mga lugar sa Easter Section ng bansa particular ang Isabela, Quezon, Bicol Region, Samar, Leyte, Caraga Region.
Noong 2015 sa parehong petsa ngayong Mayo ay nakakaapat na bagyo na ang pumapasok sa Philippine Area of Responsibility pero sa ngayon buwan ay wala paring pumapasok at nakaaapekto sa ating bansa.
Ayon sa PAGASA bago matapos ang taon maaari paring umabot sa 19-20 bagyo ang pumasok sa Philippine Area of Responsibility.
Ngayong buwan ng Mayo ay maaaring makaranas pa ng matinding tagtuyot ang 37 lalawigan o 42% ng bansa habang pagkatapos ng Hunyo ay huhupa na ito.
(Rey Pelayo / UNTV Correspondent)
METRO MANILA – Inianunsyo ng Philippine Atmospheric, Geophysical, and Astronomical Services Administration (PAGASA) na mararanasan ngayong araw ang summer Solstice.
Ito ay isang uri ng astronomical event kung saan mararanasan ang pinakamahabang araw at pinaka-maiksing gabi.
Gayunman magkakaiba ang duration ng daylight sa iba’t ibang lugar buong mundo.
Gaya sa Metro Manila, ayon sa PAGASA nagsimulang sumikat ang araw kaninang 5:28am at lulubog ng 6:27pm.
Nangangahulugan ito na tatagal ng 13 oras ang daylight o ang liwanag ng araw.
METRO MANILA – Inianunsyo na ng PAGASA ang pormal na pagsisimula ng panahon ng tag-ulan sa bansa.
Ayon sa PAGASA, bunsod ng mga naranasang kalat-kalat na mga pag-ulan sa mga nakalipas na araw, dagdag pa ang pagpasok ng bagyong Aghon at pag-iral ng habagat partikular na sa kanlurang bahagi ng Luzon at Visayas ay palatandaan na ito ng opisyal na pagpasok ng panahon ng tag-ulan.
Gayunman, asahan pa rin anila na may mga araw na hindi magkaroon ng mga pag-ulan o ang tinatawag na monsoon breaks.
METRO MANILA – Inihayag ng State Weather Bureau PAGASA na nasa transition period na ang bansa sa tag-ulan o rainy season.
Dahil dito, inaasahan na sa darating na mga araw na mas magiging madalas na ang mga pag-ulan sa iba’t ibang bahagi ng bansa.
Ayon kay Climate Monitoring and Prediction Section Chief ng PAGASA na si Ana Liza Solis, posibleng sa 3rd quarter ng taon papasok ang La Niña kasabay ng kasagsagan ng hanging habagat o southwest monsoon.
Kaya posibleng mararanasan ang malalakas na mga pag-ulan hanggang Disyembre.
