Kopya ng Martial Law proclamation, natanggap na ng Kamara

by Radyo La Verdad | May 25, 2017 (Thursday) | 2134

Natanggap na ng Mababang Kapulungan ng Kongreso ang certified true copy ng Proclamation Number 216 mula sa Malakanyang.

Sa dalawang pahina ng proklamasyon, nakasaad ang pormal na pagdedeklara ng Martial Law sa buong mindanao sa loob ng anim napung araw.

Gayundin ang pagsususpinde sa pribelehiyo ng writ of habeas corpus sa buong panahon ng batas militar.

Ang Proclamation No. 216 ay nilagdaan ni Pangulong Duterte noong May 23 habang siya ay nasa Russia.

Ang hakbang na ito ay kasunod ng ginawang pag-atake ng mga local terrorist group sa Marawi City noong Martes.