METRO MANILA – Higit 53,000 na mga pampubliko at pribadong paaralan sa bansa ang magpapatupad na ng face-to-face classes simula ngayong araw (August 22).
24,175 dito ay 5-day full face-to-face classes na, habang higit 29,000 naman ang blended learning approach o magkahalong in-person at online classes. Habang nasa 1,004 lang ang magpapatupad ng full distance learning.
Sa guidelines ng Department of Education (DepEd) para sa pagbabalik eskwela para sa school year 2022-2023, simula ngayong araaw August 22 – October 31, maaaring magpatupad ang mga pampubliko at pribadong paaralan ng 5-day full in-person classes, blended approach at full distance learning.
Sa mga magpapatupad naman ng face-to-face classes, kailangan lamang sundin ang health protocols gaya ng pagsusuot ng face mask, disinfection at hanggat maaari ay magkaroon parin ng social distancing.
Tiniyak rin ng DepEd na nakalatag na ang COVID-19 containment strategy sa mga paaralan sakaling may estudyante o guro man na makitaan ng sakit gaya ng sintomas ng COVID-19.
Habang naghanda na rin ng kani-kaniyang stock ng facemask ang mga paaralan sakaling kakailanganin ng mga mag-aaralan.
Nandyan din ang alcohol, at thermal scanner para masuri ang temperatura ng bawat pumapasok sa eskwelahan.
Samantala, sa huling ulat ng DepEd, as of August 19, higit 27 million na ang mga estudyante na nakapagpatala para sa school year 2022 to 2023.
96% ito sa target enrollees ng DepEd na 28.6 million students.
Inaasahan rin ng kagawaran na may mga hahabol pa rin sa pagpapatala ngayong araw (August 22) lalo’t huling araw na ngayon at wala nang extension.
(Janice Ingente | UNTV News)
Tags: DepEd, face-to-face classes
METRO MANILA – Muling pinag-iingat ng Department of Education (DepEd) ang publiko laban sa kumakalat na pekeng post tungkol sa umano’y cash assistance na ibibigay sa mga graduating student.
Sa isang mensahe nilinaw ni DepEd Undersecretary Michael Poa, na walang ganitong programa ang ahensya at pinayuhan ang mga magulang at estudyante na huwag magbibigay ng anomang personal na impormasyon sa mga ganitong klase ng post.
Nakasaad sa fake advisory na makatatanggap umano ng P8, 000 na cash aid ang mga graduating student mula elementary hanggang college level.
Ayon sa DepEd hindi dapat paniwalaan ang naturang post, at pinaalalalahanan ang mga magulang na mag-ingat upang hindi makompromiso ang kaligtasan at kapakanan ng kanilang mga anak.
Tags: DepEd, Fake Cash Assistance
METRO MANILA – Hinimok ng Department of Education (DepEd) ang mga pampublikong paaralan sa bansa na isagawa ang kanilang end-of-school-year (EOSY) rites sa loob ng mga gusali o indoors.
Ayon sa kagawaran, nakatakdang ganapin ang mga EOSY rites mula Mayo 29 hanggang 31 ngayong taon, at itinakda na gawin ito sa loob ng mga gusali o sa mga lugar na may sapat na bentilasyon at malayo sa sikat ng araw.
Pinapaiwas din ng DepEd ang mga paaralan nai-iskedyul ang kanilang EOSY rites sa oras ng araw kung saan ang temperatura ay nasa pinakamataas na lebel.
METRO MANILA – Iminungkahi ng Department of Education (DepEd) kay Pangulong Ferdinand Marcos Junior ang pagtatapos ng school year 2024 to 2025 sa buwan ng Marso sa susunod na taon.
Ito ay upang maibalik sa April to May ang bakasyon sa eskwelahan.
Ayon kay DepEd Assistant Secretary Francis Brigas, nagsumite na ang kagawaran ng liham sa Office of the President patungkol sa end of school year.
Nakiusap naman si Bringas sa komite na bigyan ng panahon ang pangulo na mapag-aralan ang isinumiteng sulat ng kagawaran.
Sa oras na italaga ang pagtatapos ng school year 2024-2025 sa March 2025, magiging 165 days na lamang ang school calendar.
Tags: DepEd
