Kinatigan ng PAGASA ang Quezon City sa hindi nito agad pagsuspinde sa mga klase sa paaralan kahapon kahit na may mga malalakas na pagulang naranasan sa lungsod.
Ilang araw nang umuulan sa malaking bahagi ng Luzon kasama na ang Metro Manila dahil sa habagat na pinalalakas ng bagyong Gorio. Inulan ng batikos ang post sa social media ni Quezon City acting mayor Joy Belmonte.
Katuwiran ni Myke Marasigan ng QC DRRMO, magdamag nilang binantayan ang situwasyon bago sila nagdesisyon. Sa emergency operation center ng Quezon City, nakikita nila kung gaano karaming ulan ang posibleng ibuhos sa isang lugar.
May mga monitor din sila kung saan nakakonekta ang mahigit sa 240 na cctv. Sa kanilang pagtaya, kayang tagalan ng lungsod ang mga thunderstorms kung hindi naman dirediretso ang pag-ulan.
Ngunit bandang alas 11 ng umaga kahapon ay sinuspinde narin ang klase sa Quezon City dahil sa patuloy na pag-ulan.
Ayon kay mayor Belmonte, hindi madali na magdesisyon na kaselahin ang klase lalo na’t 30% sa mga magaaral na nagtatapos sa kanilang elementarya aniya ay hindi marunong bumasa.
Ayon naman sa PAGASA, hindi dapat sisihin ang mga local government officials kundi dapat ay pagaralan kung ano ang epekto ng ulan sa kanilang lugar. Paliwanag nito, hindi pareho ang epekto ng thunderstorms sa iba’t-ibang mga lugar.
Bukod sa Quezon City, hindi rin agad nagsuspinde ng klase ang Pasig at Makati.
(Rey Pelayo / UNTV Correspondent)
Tags: klase, PAGASA, Quezon City
METRO MANILA – Inianunsyo ng Philippine Atmospheric, Geophysical, and Astronomical Services Administration (PAGASA) na mararanasan ngayong araw ang summer Solstice.
Ito ay isang uri ng astronomical event kung saan mararanasan ang pinakamahabang araw at pinaka-maiksing gabi.
Gayunman magkakaiba ang duration ng daylight sa iba’t ibang lugar buong mundo.
Gaya sa Metro Manila, ayon sa PAGASA nagsimulang sumikat ang araw kaninang 5:28am at lulubog ng 6:27pm.
Nangangahulugan ito na tatagal ng 13 oras ang daylight o ang liwanag ng araw.
METRO MANILA – Inianunsyo na ng PAGASA ang pormal na pagsisimula ng panahon ng tag-ulan sa bansa.
Ayon sa PAGASA, bunsod ng mga naranasang kalat-kalat na mga pag-ulan sa mga nakalipas na araw, dagdag pa ang pagpasok ng bagyong Aghon at pag-iral ng habagat partikular na sa kanlurang bahagi ng Luzon at Visayas ay palatandaan na ito ng opisyal na pagpasok ng panahon ng tag-ulan.
Gayunman, asahan pa rin anila na may mga araw na hindi magkaroon ng mga pag-ulan o ang tinatawag na monsoon breaks.
METRO MANILA – Inihayag ng State Weather Bureau PAGASA na nasa transition period na ang bansa sa tag-ulan o rainy season.
Dahil dito, inaasahan na sa darating na mga araw na mas magiging madalas na ang mga pag-ulan sa iba’t ibang bahagi ng bansa.
Ayon kay Climate Monitoring and Prediction Section Chief ng PAGASA na si Ana Liza Solis, posibleng sa 3rd quarter ng taon papasok ang La Niña kasabay ng kasagsagan ng hanging habagat o southwest monsoon.
Kaya posibleng mararanasan ang malalakas na mga pag-ulan hanggang Disyembre.
