Kaso ng Leptospirosis sa bansa, tumaas

by Radyo La Verdad | August 1, 2023 (Tuesday) | 11842

METRO MANILA – Nakapagtala ang Department of Health (DOH) ng pagtaas ng kaso ng Leptospirosis sa bansa.

Batay sa datos ng DOH mula January 1 hanggang July 15, aabot sa kabuuang 2,079 ang kaso ng nasabing sakit.

Mula naman June 18 hanggang July 1, nadagdagan pa ng 182 bagong kaso ng leptospirosis.

Pinakamarami ang naitala sa Central Luzon na tumaas ang kaso sa nakalipas na 6 na linggo.

Iniulat din ng DOH, na aabot sa 225 ang naitala nilang bilang ng mga nasawi mula sa Leptospirosis.

Payo ng DOH sa publiko na iwasan ang paglusong sa baha nang walang sapat na panangga tulad ng bota.