METRO MANILA – Patuloy ang pagbabantay ng Department of Health (DOH) laban sa water-borne illnesses, influenza-like illnesses, leptospirosis, at dengue o wild diseases kung tawagin.
Bagaman nagsisimula pa lamang ang tag-ulan, nakapagtala na ang kagawaran ng pagtaas ng kaso ng leptospirosis sa bansa.
Mula sa 6 na kaso sa pagsisimula ng Mayo, nakapagtala ang DOH ng 60 kaso mula May 19 hanggang June 1 ng taong kasalukuyan.
At umakayat pa ito sa 83 kaso mula June 2 hanggang June 15.
84 naman ang naitalang nasawi ngayong taon. Pinaaalalahanan ang publiko na umiwas maglaro o sumulong sa baha para maiwasan ang leptospirosis.
Ngunit kung ‘di talaga maiiwasan ag magsuot ng bota at agad maghugas o maglinis ng katawan gamit ang malinis na tubig at sabon.
Hinihikayat din ng kagawaran ang mga lokal na pamahalaan na i-declog ang flood drains at magpatupad ng rodent control measures para mapababa ang tsansang mapasa ang sakit sa mga tao.
Tags: leptospirosis
METRO MANILA – Nakapagtala ang Department of Health (DOH) ng pagtaas ng kaso ng Leptospirosis sa bansa.
Batay sa datos ng DOH mula January 1 hanggang July 15, aabot sa kabuuang 2,079 ang kaso ng nasabing sakit.
Mula naman June 18 hanggang July 1, nadagdagan pa ng 182 bagong kaso ng leptospirosis.
Pinakamarami ang naitala sa Central Luzon na tumaas ang kaso sa nakalipas na 6 na linggo.
Iniulat din ng DOH, na aabot sa 225 ang naitala nilang bilang ng mga nasawi mula sa Leptospirosis.
Payo ng DOH sa publiko na iwasan ang paglusong sa baha nang walang sapat na panangga tulad ng bota.
Tags: DOH, leptospirosis
Umabot na sa mahigit walumpu’t isang libo ang naitatalang kaso ng dengue sa buong bansa batay sa datos ng Department of Health (DOH) mula Enero hanggang Agosto ngayong taon. Nadagdagan din ang bilang ng mga nasawi sa sakit na ngayon ay nasa apat na raan at labing-walo na.
Mas mataas ito ng anim na porsyento kumpara sa halos 77,000 na kaso ng dengue noong taong 2017.
Nangunguna sa may pinakamataas na kaso ng dengue ang Central Luzon, Calabarzon, pangatlo ang Metro Manila, sinundan ng Northern Mindanao at Western Visayas.
Karaniwang tumataas ang kaso ng dengue tuwing tag-ulan o pagsapit ng buwan ng Hunyo hanggang Agosto.
Nguni’t umaasa ang DOH na mas mababa ang kalalabasan ng kaso ng dengue ngayong taon dahil mas lumalawak na umano ang kamalayan ng publiko sa pagsugpo sa dengue at sa mga sintomas nito.
Samantala, nadoble naman ang naitalang kaso ng leptospirosis sa buong bansa nitong Agosto.
Mula sa 1,185 na kaso noong taong 2017, umabot na ngayon sa 2, 628 ang kaso ng leptospirosis sa bansa. Dumami rin ang bilang ng nasawi dahil sa naturang sakit.
Kaya naman patuloy pa rin ang pag-iikot ng DOH sa mga komunidad at paaralan upang magbigay ng sapat na impormasyon sa pag-iwas sa mga nakamamatay na sakit tulad ng dengue at leptospirosis.
( Aiko Miguel / UNTV Correspondent )
Tags: dengue, DOH, leptospirosis
Binalaan ng Department of Health (DOH) ang mga magsasamantala at nagbebenta ng doxycycline sa mas mataas na presyo.
Ayon kay Health Sec. Francisco Duque III, maaaring maipasara ang kanilang mga botika kung mapatunayang nag-ooverprice sila ng mga gamot. Nagkakahalaga lang aniya ang doxyxycline ng P10- P30 kada piraso at hindi P93.
Nilinaw din ng DOH na may sapat silang supply ng gamot kontra leptospirosis at libre itong ipinamimigay sa mga health centers.
Samantala, naipagkaloob ng DOH ang karagadagang 25,000 piraso ng doxyclcine sa lokal na pamahalaan ng Marikina City para sa mga evacuee sa Malanday Elementary School kahapon ng umaga.
Kahon-kahong mga gamot kontra diarrhea, fungal infection, flu at iba pang gamot ang ibinigay rin ng DOH sa lokal na pamahalaan ng Marikina City.
Nais matiyak ni Health Sec. Francisco Duque III na hindi magkukulang ang gamot sa evacuation centers upang maiwasan ang outbreak ng mga sakit.
Ayon kay Marikina City Mayor Marcy Teodoro, sapat pa naman ang gamot sa kanilang lugar nguni’t kailangan nila ang karagdagang supply sakaling tumagal pa ang baha. Binisita rin ng DOH ang mahigit dalawang daang evacuee sa Bagong Silangan, Quezon City.
Sa kabuoan ay umabot naman sa 1.35 milyong piso ang naipamigay na gamot at medical supplies ng DOH sa San Juan City, Marikina at Rizal.
May inilaan ding pondo ang DOH para sa Central Luzon, Calabarzon at Ilocos Region na sinalanta rin ng habagat nitong weekend.
Naka-code white alert na din ang lahat ng DOH hospitals upang agad makatugon sa anomang emergency cases ngayong patuloy ang pag-ulan at pagbaha sa iba’t-ibang panig ng bansa.
( Aiko Miguel / UNTV Correspondent )
Tags: DOH, leptospirosis, overpriced na gamot
