Magsusumite bukas ng manifestation ang kampo ni Senador Grace Poe sa Commission on Elections upang ipaalam ang paborableng desisyon ng Senate Electoral Tribunal sa kaso ng senador.

Kasama rin dito ang mosyon upang ipadismiss ang reklamo ni Rizalito David sa Comelec ukol sa umano’y material misrepresentation sa COC ng kanyang kliyente noong 2013.

Matibay ang paniniwala ng kampo ni Sen. Poe na ang pagpabor sa kanila ng SET ay isang basehan na walang misrepresentation sa COC sa pagkasenador na isinumite ng kanyang kliyente.

Ayon naman sa abugado ni Rizalito David na si Attorney Manuelito Luna, hintayin na lamang ang desisyon ng SET sa motion for reconsideration ni David na dapat na sagutin ng kampo ni Senator Poe

Paniwala naman ni SET Member Senator Cynthia Villar hindi na mababago pa ang naunang desisyon ng SET dahil pinag-aralan muna nilang mabuti bago bumotong pabor kay Poe.

Tags: material misrepresentation, Rizalito David, Senador Grace Poe