Itinalaga bilang pinakabagong punong mahistrado ng Korte Suprema si Justice Lucas Bersamin.
Si Bersamin ay nagsilbi bilang associate justice ng Court of Appeals (CA) noong Marso 2003 bago siya maitalaga sa Supreme Court noong 2009.
Nagsilbi rin siya bilang Huwes sa Quezon City Regional Trial Court Branch 96, ngunit bago nito ay nagsilbi rin siya sa private legal practice.
Ilan sa mga nadesisyunan ni Bersamin ay ang pagdeklarang unconstitutional sa Disbursement Acceleration Program (DAP) sa panahon ng panunungkulan ni dating Pangulong Benigno Aquino III.
Noong Hulyo 2016, bumoto rin ito pabor sa pagbasura sa plunder case kay dating Pangulong Gloria Macapagal Arroyo kaugnay ng P366 milyong piso na PCSO funds.
Kinatigan din nito ang pagpapalibing kay yumaong Pangulong Ferdinand Marcos sa libingan ng mga bayani. Maging ang pagpapalawig ng martial law sa Mindanao nitong Pebrero 2018 at ang pagpapatalsik kay dating Chief Justice Maria Lourdes Sereno sa pamamagitan ng quo warranto petition.
Sa Oktubre 2019 nakatakdang magretiro si Bersamin.
( Mai Bermudez / UNTV Correspondent )
Tags: Court of Appeals, Justice Lucas Bersamin, Korte Suprema
Hihintayin ng Korte Suprema ang anumang petisyon mula sa sinomang partido na nagnanais kwestyunin ang legalidad ng pagpapatupad ng Republic Act Number 10952 o Good Conduct Time Allowance law.
Ayon kay SC Chief Justice Lucas Bersamin sa kaniyang pagharap sa media ngayong umaga, sinabi niya na maaaring tanggapin ito ng SC lalo na kung kumpleto sa requirements ang petisyon.
June 2019 nang magdesisyon ang Korte Suprema na dapat makinabang rin ang mga preso dito bago maisabatas ang GCTA.
Samantala, inulat na CJ Bersamin ang kaniyang mga prayoridad sa natitirang buwan ng kaniyang paglilingkod. Isa na rito ang pagtatayo ng mga imprastraktura para sa karagdagang korte. Kulang aniya talaga ngayon ang mga Court Houses.
Ayon kay Bersamin, isa sa nakikita niyang solusyon dito ay ang kooperasyon ng mga local government units. Inihalimbawa niya ang binigay na building ng Marikina City para maging court houses. Gayundin din ang Valenzuela City at ang Quezon City na nagtayo mismo ng sarili nitong building para sa judiciary.
Si CJ Bersamin ay nakatakdang magretiro sa October 18.
MANILA, Philippines – Pinagmumulta ng Korte Suprema ang Maynilad, Manila Water at Metropolitan Waterworks And Sewerage System (MWSS) dahil sa hindi pagtupad sa Clean Water Act.
900-Million Pesos ang ipinataw na multa sa Maynilad at MWSS at 900-million din sa Manila Water at MWSS.
Bukod dito, pinagmumulta din sila ng 322-Thousand Pesos sa bawat araw na hindi nila nasusunod ang nakasaad sa Clean Water Act.
Ayon sa mga Court Insider, may kinalaman ito sa kabiguan ng Maynilad at Manila Water na maglagay ng sewage lines at sewage treatment facilities.
Tags: Korte Suprema, Manila Water, Maynilad, MWSS
Mas mahaba ang bakasyon ng mga empleyado ng korte sa bansa.
Ito ay matapos suspendihin ng Korte Suprema ang pasok sa lahat ng korte sa bansa sa December 26 at January 2.
Batay sa abiso na ipinalabas ng Supreme Court Public Information Office, ito ay upang bigyang pagkakataon ang mga opsisyal at tauhan ng hudikatura na maipagdiwang ang holiday season kasama ang kanilang pamilya.
Tags: December 26, January 2, Korte Suprema
