Ipinag-utos ng National Privacy Commission (NPC) sa Jollibee Food Corporation ang pansamantalang pagsususpinde ng online delivery site nito matapos na magkaroon ng data breach sa website.
Pansamantalang isinara ng Jollibee Food Corporation ang online delivery website nito simula kahapon. Ito ay matapos ipag-utos ng NPC sa fastfood giant kasunod ng iniulat ng kumpanya na data breach sa kanilang website noong Disyembre 2017.
Sa inilabas na order ng NPC, inamin ng data privacy officer ng fastfood chain na hindi updated ang kanilang data protection at ang ilang personal information ay hindi encrypted.
Ayon sa Complaints and Investigation Division (CID) ng NPC, sa kanilang isinagawang vulnerability assessment sa website matapos ang data breach ay nakita nilang nananatili itong hindi ligtas.
Nasa panganib pa rin umano na ma-access ng mga masasamang loob ang mga personal information ng Jollibee customers kahit na mayroon lamang limitadong technical knowledge ang mga ito.
Tinatayang nasa labinwalong milyong mga customer ng food chain ang nasa “very high risk” o panganib ayon sa ahensya.
Bukod sa suspensyon sa kanilang online delivery site, pinagsusumite rin ng NPC ang kumpanya ng security plan para sa pagpapalakas ng kanilang website sa loob ng sampung araw.
Samantala, bukod sa Jollibee, nakaranas rin ng data breach ang website ng WenPhil Corporation o Wendy’s Philippines
Sa kanilang ipinadalang text message sa mga consumer, nakuha umano ng mga attacker ang ilang impormasyon tulad ng pangalan, email address at contact numbers ng mga customer.
Una nang ipinag-utos noong nakaraang linggo ng NPC sa Wendys na ipaalam ang tungkol dito sa kanilang mga affected data subjects ang tungkol sa data breach na posible umanong magresulta sa mga kaso identity fraud.
( Mirasol Abogadil / UNTV Correspondent )
Tags: Jollibee, NPC, online delivery
METRO MANILA – Apektado ng data breach ang Community-Based Monitoring System (CBMS) ng Philippine Statistics Authority (PSA).
October 7 nang makatanggap sila ng impormasyon hinggil sa nasabing data leak sa kanilang online system.
Bunsod nito ay agad na ini-activate ng PSA ang kanilang data breach response team upang imbestigahan ang nangyari.
Nakipag-ugnayan na rin sila sa National Privacy Commission (NPC), DICT, at Anti-Cybercrime Group ng Philippine National Police (PNP) kaugnay sa insidente.
Sa ngayon ay inaalam pa ng PSA kung anu-anong mga impormasyon ang nakompromiso at nangakong magbibigay ng update kapag naiayos na ang imbestigasyon.
Tags: Data Breach, DICT, NPC, PSA
METRO MANILA – Wala pa ring suplay ng kuryente sa bansa ang nasa 479,000 na bahay sa bansa o kaya’y hindi sapat ang suplay ng kuryente
Sa budget hearing sa senado nitong September 22, sinabi ni National Power Corporation (NPC) Executive Director Fernando Roxas, nasa 1.25 million households na sa Pilipinas ang mayroon nang suplay ng kuryente.
Target aniya itong mabigyan ng suplay ng kuryente bago matapos ang administrasyong Marcos.
Tags: electricity, NPC
METRO MANILA – Pasado na sa kamara ang House Bill 7805 o ang internet transaction act na mabibigay ng proteksyon sa mga merchant, customer at maging sa mga 3rd party o ride-hailing providers.
Maaaring pagmultahin ang customer na lalabag dito ng hanggang P50,000 habang hanggang P500,000 naman ang mga online merchant at ride hailing service providers.
Pero ayon kay DTI Usec Ruth Castelo, sa ngayon ay maaaring makasuhan ng estafa ang mga gumagawa ng prank order sa ilalim ng revised penal code.
Ito ay mga oorder online gaya ng pagkain pero biglang kakanselahin dahil ang intensyon lamang pala ay manloko o mang-agrabyado.
Ayon kay Usec. Castelo, nakahanda ang Philippine National Police at ang National Bureau of Investigation (NBI) para tumanggap ng reklamo.
Ang kailangan lamang aniya ay itago o sinupin yung maaaring gamitin ebidensya gaya ng mga text, numero, oras ng pagtawag at iba pang pagkakakilanlan.
“Makukulong yan kailangna lang tulungan din tayo ng complainant kung siya yung seller o yung food delivery platform na makapag complain siya mag execute ng affidavit at makapag complain. tutulungan natin sila sa PNPor sa NBI” ani DTI Usec Ruth Castelo.
Samantala, nagpaalala din ang DTI sa mga online shoppers na suriing mabuti ang mga bibilhang online store kung lehitimo ang mga ito para hindi madismaya sa mga bibilhing produkto.
Dumami ang mga online seller ngayon subalit dumami rin ang mga reklamo na natatanggap ng dti na umabot na sa mahigit 15,000 ngayong taon kumpara sa nasa 2,500 lamang noong 2019.
(Rey Pelayo | UNTV News)
Tags: DTI, online delivery
