Matapos mapaso ang October 15, target ng militar upang tapusin ang gulo sa Marawi, isang operasyon ang inilunsad kaninang madaling araw. Sa pagkakataong ito, pito ang napatay ng tropa ng pamahalaan kabilang si Isnilon Hapilon na itinuturing na emir ng ISIS sa Southeast Asia at si Omar Maute na isa sa mga lider ng Maute terrorist group.
Kabilang ang dalawa sa mga nanguna sa paglusob sa Marawi City noong Mayo. Isasailalim sa DNA test ang katawan ng mga napatay na terorista. May limang milyong pisong patong sa ulo si Omar habang sampung milyong piso at limang milyong dolyar naman kay Hapilon.
Samantala, una nang inanunsyo ng militar na napatay na ang kapatid ni Omar na si Abdullah. Naniniwala ang kalihim na lubhang napilayan ang ISIS sa Southeast Asia dahil sa pagkamatay ni Hapilon. Subalit hindi pa tuluyang natatapos ang krisis sa Marawi dahil may mga kasamahan pa si Hapilon at Omar na patuloy na tinutunton ng tropa ng pamahalaan.
Nasa 2 ektarya na lamang ang lugar na ginagalawan ng mga terorista sa syudad, kasabay ng pagkakapatay sa 2 terrorist leader, habang 17 bihag naman ang nailigtas ng mga sundalo.
Ayon kay Presidential Spokesman Ernesto Abella, iaanunsyo lamang ang pagtatapos ng gyera kung tiyak na wala nang natitirang terorista at nalinis na ang mga gusali sa mga iniwang improvised explosive device ng kalaban.
Aniya, kapag natapos na ang bakbakan, isusunod naman ang pagpapaigting sa rehabilitasyon sa Marawi.
( Victor Cosare / UNTV Correspondent )
Tags: Isnilon Hapilon, Marawi City, Omar Maute
Isang taon na ang lumipas mula ng ideklarang malaya ni Pangulong Rodrigo Duterte ang Marawi City matapos mapatay ang ISIS leader na si Isnilon Hapilon noong ika-17 ng Oktubre 2017.
Ngunit hanggang ngayon, hindi pa rin maalis sa ilang mga residente ang pangamba na maulit ang kanilang sinapit sa kamay ng mga terorista, bagaman ngayon ay tahimik na ang kanilang lugar.
Sa ngayon ang hiling ng ilang mga residente, makaalis na sila sa evacuation center at makabalik na sa kanilang tahanan.
Ayon sa Taskforce Bangon Marawi, sisimulan na ngayong buwan ang debri clearing sa most affected area.
Inaasahang bago matapos ang buwan ng Oktubre maisasakatuparan na ang ground breaking ceremony ng rehabilitasyon na pangungunahan ni Pangulong Duterte, matapos ang ilang beses na pagkakaantala.
Hindi naman nalilimutang magpasalamat ng lokal na pamahalaan ang pagtulong sa kanila, subalit aminado ito na naiinip na rin sila sa mabagal ng pag-usad ng rehabilitayson.
Sa ngayon, karamihan sa mga residente ng Marawi ay unti-unti ng bumabalik sa normal ang kanilang buhay.
Maging ang kani-kanilang mga negosyo partikilar sa Brgy. Basak Malutlut kung saan unang sumiklab ang giyera noong Mayo 2017.
( Weng Fernandez / UNTV Correspondent )
Isasagawa na sa ika-17 ng Oktubre ang groundbreaking para sa rehabilitasyon ng ground zero sa Marawi City.
Itinaon ito sa unang anibersaryo ng liberation ng Marawi City mula sa pagkubkob ng mga terorista Maute-ISIS.
Ayon kay Task Force Bangon Marawi Chairperson Secretary Eduardo Del Rosario, nakuha ng Finmat International Resources, Incorporated ang contract para sa first component ng rehabilitation na Debris Management sa anim na ektarya at may pondong nagkakahalaga ng 75 milyong piso.
Bukas na ang isasagawang baranggay at Sangguniang Kabataan special elections sa Marawi City.
Kaugnay nito, dalawang barangay ang itinuturing na election hotspots dahil sa mga naitalang karahasan dito noong nakaraang eleksyon. Ito ay ang Barangay Cabingan at Barangay Gadungan.
Samantala, dalawampu’t apat na barangay naman ang nasa election watchlist ng PNP na may intense political rivalry kaya mahigpit nila itong binabantayan.
Sa ngayon, nakadeploy na sa lungsod ang nasa isang libong tauhan ng PNP at AFP para sa pagpapanatili ng seguridad.
Naka-red alert status din ang PNP at AFP sa lugar kasabay ang pagpapaigting ng mga checkpoints kaugnay naman ng nangyaring pagpapasabog sa isulan Sultan Kudarat at sa GenSan kamakailan.
Target ng Marawi City Police na makamit ang peaceful election.
Tags: election hotspot, Marawi City, PNP
