Patay ang isang lalaki matapos pagbabarilin sa Purok 6 Hernandez Street Barangay Catmon Malabon City pasado alas onse kagabi.

Kinilala ang biktima na si Elmer Gaspar, 28 anyos at isang construction worker.

Nagtamo ito ng mga tama ng bala sa kanyang ulo.

Sa inisyal Scene of the Crime Operatives o SOCO ng Malabon City, apat na basyo ng 45 kalibre na baril ang narecover sa crime scene.

Ayon sa salaysay ng kinakasama ng biktima, natutulog na sila ng may tumawag sa telepono kay elmer at pagkatapos ay lumabas ito ng bahay.

Ilang sandali pa, nakarinig ng pagputok ng baril si Sussette. Lumabas ito upang tingnan ang nangyari subalit laking gulat nito ng makita ang nakahandusay ang biktima sa iskinita malapit sa kanilang tinitirhan.

Ayon kay Susette, wala siyang nalalamang kaalitan ni Elmer.

Sa ngayon ay patuloy ang imbestigasyon ng mga otoridad kung sino ang mga suspek at ang motibo ng mga ito sa pamamaslang sa biktima.

(Macky Libradilla/UNTV NEWS)

Tags: Malabon City