Ipinasa na ng Office of the House Secretary General sa opisina ni House Speaker Pantaleon Alvarez ang impeachment complaint na inihain sa Kamara laban kay COMELEC Commissioner Andres Bautista. Nakasaad sa memorandum na ito ay itinuturing nang verified complaint matapos iendorso ng tatlong kongresista.
Ayon kay House Committee on Justice Chairman Reynaldo Umali, may 10 session days ang Office of the Speaker para i-refer ang complaint sa Justice Committee. Pagdating sa kumite, aalamin kung ito ay sufficient in form, sufficient in susbstance at kung may probable cause.
Una nang sinabi ng mga complainant na gagawin nilang testigo si Mrs. Tish Bautisa laban sa asawang si Chair Bautista dahil si Tish umano ang may personal knowledge sa ilan sa mga mabibigat na alegasyon.
Subalit ayon kay Umali, maaaring magkaroon ng problema. Oras na pumasa sa kumite ang impeachment complaint, dadalhin na ito sa plenaryo, nangangailangan doon ng 99 na boto o one third vote ng lahat ng miyembro ng Kamara para maiakyat ito sa senado na syang tatayong impeachment court.
(Grace Casin / UNTV Correspondent)
Tags: COMELEC Chair Andres Bautista, house speaker, impeachment complaint
METRO MANILA – Tuloy ang gagawing imbestigasyon ng tanggapan ni Pangulong Rodrigo Duterte sa mga napaulat na aberya, iregularidad at kapabayaan sa hosting ng Pilipinas sa 30th Southeast Asian SEA Games. Ito ang tiyak na gagawin ng pangulo oras na matapos na ang naturang event.
Subalit, naniniwala si Pangulong Duterte na kung may alegasyon man ng katiwalian sa pag-organisa ng multi-sport event, di kasabwat dito si House Speaker Alan Peter Cayetano, ang Chairperson din ng Philippine Southeast Asian Games Organizing Committee (PHISGOC).
“He has to answer but I do not think that corruption is, I am sure Cayetano is not involved in corruption.” ani Pangulong Rodrigo Duterte.
Sa susunod din aniyang mag-organisa ng multi-sports event sa bansa, uutusan niya ang mga planner sa militar na tumulong sa preparasyon.
Para sa pangulo, sa laki ng pondong inilaan para sa hosting ng bansa sa SEA Games, dapat naging maayos ang pag-handle nito kaya hihingin niya rin ang tulong sa pag-iimbestiga ng mga retired auditor pagkatapos ng event. Subalit sa ngayon, maiging mag-concentrate muna aniya ang pamahalaan sa pagsaludar sa mga atleta.
“I am not investigating cayetano and the rest. I’m just trying to find out because i think — I said the money must not have been properly disbursed kasi… I know that Cayetano cannot handle everything. He has to delegate this ‘yung ganon. You have a different levels of echelons you know. There’s a supervisor then lahat na for this carried out properly.” ani Pangulong Rodrigo Duterte.
(Rosalie Coz | UNTV News)
Tags: 2019 Sea Games hosting, house speaker, Pangulong Rodrigo Duterte
MANILA, Philippines – Umatras na sa house speakership race si Davao City First District Representative Paolo Duterte matapos niyang makausap ang ama na si Pangulong Rodrigo Duterte.
Sa isang pahayag sinabi ng presdential son na nagkasundo sila ng pangulo na hindi pa ito ang tamang panahon para tumakbo sya sa nasabing posisyon.
Makatutulong pa rin naman umano sya sa administrasyon bilang miyembro ng kamara. Sinabi pa nito na kay Davao City Third District Representative Isidro Ungab na ang kanyang suporta para sa susunod na house speaker.
Samantala nagpulong sa davao city sina congressman Duterte at Davao city mayor Sara Duterte-Carpio sa ang tatlong speaker aspirant na sina Leyte representative Martin Romualdez, taguig representative Alan Peter Cayetano at marinduque representative Lord Allan Velasco matapos sumapi ang mga ito sa Duterte coalition na binuo ng magkapatid na Duterte.
Kung saan pinagusapan nila ang mga dapat gawin upang maisulong ang mga adbokasiya ng Duterte administration.
Samantala ang Duterte coalition ay una nang binuo upang pagkaisahin ang mababang kapulungan ng kongreso sa gitna ng mainit na labanan sa pagka-house speaker.
(Grace Casin | Untv News)
Tags: Davao City, house speaker
Pormal nang inanunsyo ni Presidential son at Davao City Representative Paolo Duterte na tatakbo na rin siyang House Speaker sa 18th Congress.
Sa isang pahayag sinabi nito na nais niyang magkaroon ng Speaker mula Luzon, Visayas, Mindanao at Party-list group at sila ay maghahati-hati ng termino o term sharing. Ito umano ang nakikitang niyang solusyon upang magkaisa ang kamara.
Umaasa siya na ititigil na ng mga Speaker asppirant ang umano’y pang-iimpluwensya nito sa gabinete.
Handa naman ang administration party na PDP Laban na suportahan ang presidential son sa pagka House Speaker.
Ayon kay PDP Laban Executive Vice President Congressman Aurelio Gonzales, Jr. nakausap na niya si Marinduque Representative Lord aAllan Velasco at handa rin daw itong umatras sa laban para bigyang daan ang pagtakbo ni Congressman Pulong.
Si Velasco ang inendorso ng PDP Laban sa Speakership race.
“Nakausap ko na, nakausap ko na, basta si Cong. Pulong siya ang mag-Speaker lahat kami na kay Cong. Lord ay susuporta kami kay Congressman pulong.” Ani Rep. Aurelio gonzales, Jr. ang Executive Vice President, PDP Laban sa isang phone interview.
Ayon pa kay Congressman Gonzales, tapos na ang house speakership race oras na totohanin ni Congressman Pulong ang kayang pagtakbo sa posisyon.
Hindi rin aniya isyu kung baguhang Kongresista ang batang Duterte dahil mapag-aaralan naman ang trabaho ng House Speaker.
“May experience na ‘yan naging Vice Mayor na ‘yan at siguradong malalaman rin niya ‘yan marami namang makakasama si Cong. Pulong.” Dagdag ni Rep. Aurelio Gonzales, Jr.
Pero ayon kay party list Coalition Spokesperson Cong. Alfredo Garbin importante parin sa isang lider ng Kamara ang kakayahan nito na pagkaisahin ang mahigit tatlong daang Kongresista. Kaya pag-uusapan muna nila ng kanyang mga kasama sa koalisyon kung ano ang magiging boto nila.
Ang Visayan bloc magpupulong umano sa Lunes upang pag-usapan ang panukala ng Presidential son na magkaroon ng Speaker mula sa rehiyon ng Visayas.
Samanatala tumanggi naman si aspirant Speaker Congressman Martin Romualdez na magbigay ng kumento sa pahayag ng Presidential son. Pero sa social media post ni Albay Representative Joey Salceda na una nang nagpakita ng suporta kay Romualdez, tiniyak niyang aatras na sa laban si Romualdez at makukuha ni Congressman Pulong ang mayorya ng boto ng mga Kongresista.
Wala pa naman inilalabas na pahayag sa ngayon ang isa pang Speaker aspirant na si Taguig Representative Alan Peter Cayetano.
(Grace Casin | UNTV News)
Tags: Davao City Vice-Mayor Paolo Duterte, house speaker, Pulong Duterte
