Simula pa lamang ng magpakita ng abnormalidad ang Mt. Mayon sa Albay, nagpatupad na ang local na pamahalaan ng no human activity policy sa paligid ng nito na sakop ng 6km permanent danger zone dahil sa panganib na nakaamba lalo pa’t patuloy na kinakikitaan ng abnormalidad ang Mayon.
Sa kabila ng no human activity policy na ipinatutupad ng lokal na pamahalaan sa loob ng 6km permanent danger zone at 7 km extended danger zone, marami pa rin sa mga residente ang ayaw paawat at bumalik sa kanilang tahanan.
Aminado ang Acting Chief of Police ng PNP Camalig na si PCInsp. Darwin Asejo na kahit gaano kahigpit ang pagbabantay nila sa mga choke points area, may mga nakakalusot pa rin umanong mga residente at bumabalik sa kanilang tahanan.
Kaya’t muling nanawagan ang lokal na pamahalaan ng Camalig sa mga residente na sumunod sa abiso ng mga otoridad.
Samantala, kagabi ay muling namigay na relief goods ang LGU Camalig sa 1,620 nga displaced family na nasa anim na evacuation sites ng Camalig. Kabilang ang brgy. Anoling, Cabangan, Salugan, Sua, Quirangay at Tumpa.
Ang relief goods ay binubuo ng anim na kilong bigas, 2 corned beef, sausage, meat loaf at noodles na consumable umano para sa 2 araw.
( Allan Manansala / UNTV Correspondent )
Tags: Mt. Mayon, no human activity policy’, permanent danger zone
Kinumpirma na ng Civil Aviation Authority of the Philippines na ang natagpuang aircraft malapit sa bunganga ng Mayon volcano ay ang nawawalang Cessna 340. Pero bago pa mapuntahan ang lokasyon nito, ibat-ibang panganib ang posibleng kaharapin ng mga rescuer sa nag aalburotong bulkan.
Nasa alert level 2 pa rin ngayon an Mt. Mayon. Ayon sa resident volcanologist na si Dr. Paul Alanis, mapanganib ang pagpasok sa 6 kilometer permanent danger zone ng bulkan.
Kung isasagawa ang search and rescue operation sa bumaksak na Cessna plane ay may kakaharaping panganib ang mga rescuer lalo na kung gagamit ng chopper.
“May possibility na magkaroon ng mga phreatic eruptions sa loob and ang danger nito unang una sa mga search and rescue operators dahil pwedeng magkaroon ng phyroclastic density currents. Next is kung may aircraft na ginagamit pwedeng mahigop yung mga debris na na ito ng mga makina and then magdulot ng isang aksident,” ani Dr. Paul Alanis, Resident Volcanologist, Mt. Mayon.
Matarik din aniya ang pinagbagsakan ng eroplano at nasa 2 kilometro pa ang taas nito. Kung maglalakad naman paakyat ng bulakan ay may panganib din sa mga daraanan gaya ng lahar o flash flood dahil sa mga nakaraang pag-ulan. Idagdag pa aniya dito ang mga naglalaglag na bato.
Kailangan lamang aniya ng magdala ng mga personal protective equipment ang mga rescuer kasama na ang mask dahil naman sa gas na posibleng ilabas din ng bulkan.
Una rito ay kinumpirma ng Civil Aviation Authority of the Philippines na ang natagpuang aircraft malapit sa bunganga ng Mayon volcano ay ang nawawalang Cessna 340, subalit hindi pa matukoy ang kondisyon o kalagayan ng mga crew at pasahero nito dahil hindi pa naaabot ng search and rescue team ang eksaktong lokasyon ng crash site dahil sa masamang lagay ng panahon.
Ayon sa PAGASA, inaasahang mababawasan ang mga pag-ulan sa mga susunod na araw sa Bicol region, kaya ayon sa weather specialist ng PAGASA na si Aldcsar Aurelio, hanggang Biyernes ay maaaring tumiyempo ang mga rescuer kung pupunta sa pinagbagsakan ng eroplano sa Mt. Mayon.
Pero pagdating ng Sabado at Linggo ay inaasahang lalakas uli ang amihan na magdadala ng mga pagulan.
Rey Pelayo | UNTV News
Tags: Cessna plane, Mt. Mayon
Ipinaliwanag ng Philippine Institute of Volcanology and Seismology (PHIVOLCS) na ang nakitang tila puting guhit sa dalisdis ng Bulkan Mayon sa Albay ay mga volcanic deposits sa naghalo sa tubig ulan kaya’t umagos ito sa paanan ng bundok.
Gayun man, nagpaalala pa rin ang Office of Civil Defense 5 sa local government unit ng mga bayang nasa paligid ng bulkan na maging alerto sa mga posibleng mangyari kung patuloy na magkakaroon ng pagaagus ng maraming tubig sa Mayon.
Patuloy din ang koordinasyon ng ahensya sa PHIVOLCS maging sa Albay Public Safety and Emergency Management Office hinggil sa kalagayan ng bulkan ngayong patuloy itong kinakikitaan ng aktibidad.
Nananatili pa rin sa ngayon sa alert level 1 ang Mt. Mayon.
Sa pinakahuling tala ng Office of Civil Defense (OCD) Region 5, nasa 16,376 families o mahigit sa 62 libong indibidwal ang patuloy na kinukupkop ng lokal na pamahalaan sa may 57 evacuation centers sa Albay. Galing ang mga ito sa 61 barangay sa Albay na apektado ng pag-aalboroto ng Bulkang Mayon.
Kaugnay nito, nanawagan ang OCD 5 sa mga non-government organization (NGO) na huwag magsawang tumulong sa mga residenteng apektado ng ipinakikitang abnormalidad ng Mt. Mayon.
Ayon kay OCD 5 Regional Director Clied Yucot, isa sa kanilang pinangangambahan ay ang tinatawag na donor fatigue o ang pagkaunti ng mga donasyon mula sa mga NGO.
Aniya, posibleng magtagal pa sa evacuation centers ang ilang displaced families dahil hindi pa ibinababa ang alert level ng Mayon. Kaya malaking tulong aniya ang donasyong ibinibigay ng mga NGO.
Pero paglilinaw ni Yucot, sapat pa naman sa ngayon ang suplay ng relief goods na mula sa lokal at national government subalit tatagal lamang umano ito ng isang daang araw.
Sa mga ibig tumulong o magpa-aabot ng donasyon, maaari silang makipag-ugnayan sa operation center ng OCD 5 sa pamamagitan ng telepono bilang 0915747880.
( Allan Manansala / UNTV Correspondent )
Tags: Albay, donor fatigue, Mt. Mayon, OCD 5
