Magpapatupad ng rollback sa presyo ng produktong petrolyo ang ilang kumpanya ng langis simula mamayang alas-dose uno ng madaling araw, magpapatupad ang petron at seaoil ng pitumpu’t limang sentimos na rollback sa kada litro ng gasolina habang limampung sentimos naman sa kada litro sa diesel at walumpung sentimos sa kada litro sa kerosene.
Samantala, aabot naman sa animnapung sentimos ang ibabawas ng Chevron sa kada litro sa gasolina, limampung sentimos sa kada litro ng diesel at pitumpu’t limang sentimos naman sa kada litro ng kerosene.
Ala-sais ng umaga magpapatupad ang Shell ng animnapu’t limang sentimos na bawas sa kada litro ng gasolina, apatnapu’t limang sentimos sa kada litro sa diesel at walumpung sentimos sa kada litro ng kerosene.
