Inakusahan ng ilang kongresista ang Kamara na umano’y nakikipagsabwatan sa ilang Supreme Court Associate Justice para mapataksil sa pwesto si Chief Justice Ma. Lourdes Sereno.
Ito ang konklusyon ni Magdalo Partylist Rep. Gary Alejano sa nagiging takbo ng mga reklamong kinakaharap ngayon ni Sereno.
Isa umano sa halimbawa ng sabwatan ay ang pag-anunsyo ni impeachment committee chairman Reynalo Umali sa pagdinig ng naging desisyon ng SC en banc sa leave of absence ng punong mahistrado, pero si Umali itinanggi ang akusasyong ito.
Samantala, pinag-iinhibit naman ng mga kongresistang miyembro ng Makabayan bloc ang pitong SC justice na bumoto para utusan si CJ Sereno na mag-indefinite leave.
Ayon kay Albay Rep. Edcel Lagman, anim sa mga ito ay una nang humarap sa impeachment committee kaya tiyak na hindi sila magiging patas sa pagdedesisyon.
Kaya dapat umanong igiit ni Sereno ang kanyang karapatan, pero hindi naman sang-ayon dito si House Speaker Pantaleon Alvarez.
Samantala, hihintayin ng Kamara ang magiging desisyon ng Korte Suprema sa quo warranto petition laban kay Sereno.
Ayon kay House Majority Floor Leader Rudy Fariñas, kapag nai-refer na sa plenaryo ang articles of impeahcment, base sa rules, may hanggang ika-31 ng Oktubre sila para tapusin ito.
Mahalaga din daw na malaman muna kung balido ba ang pagkakatalaga kay Sereno bilang chief justice dahil ang impeachment proceedings ay para lamang sa opisyal ng pamahalaan na validly appointed.
( Grace Casin / UNTV Correspondent )
Tags: Kamara, SC Justice, Sereno
METRO MANILA – Maglalaan ng 4 na Linggo ang Kamara upang talakayin ng mga komite ang P5.768-T na panukalang pondo ng pamahalaan para sa taong 2024.
Habang isang Linggo naman ang ilalaan para muli itong talakayin sa plenaryo.
Ayon kay House Speaker Martin Romualdez, bubusisiin nila ang panukalang pambansang pondo upang mailaan ng maayos at mapakinabangan ng taumbayan ang kanilang buwis
Sa pagdinig kahapon sa Kamara para sa 2024 proposed budget, muling na-question ang higit P10-B na ilalaang pondo para sa confidential at intelligence funds ng ilang mga ahensya ng gobyerno
Nagpakita pa si Kabataan Partylist Representative Raoul Manuel ng graph na tumataas umano ang pondo at nadagdagan pa ang mga ahensya na humihingi ng confidential at intelligence funds.
Kabilang sa mga opisina ng pamahalaan na may request na intelligence at confidential funds ang Office of the President, Office of the Vice President, DepEd, Department of Agriculture, at Department of National Defense.
Samantala, napuna naman ng isang mambabatas ang P1-B tinapyas sa budget ng Department of Information and Communications Technology (DICT).
Paliwanag ng DBM, pinakamabagal kasing gumastos ng pondo ang DICT.
Ayon sa DBM, mayroon na silang rekomendasyon sa DICT upang tulungan ang ahensya na maisagawa ang mga proyektong inilalatag nito na pinaglalaanan ng pondo mula sa taumbayan.
METRO MANILA – Pasado na sa ikatlo ang huling pagbasa ang House Bill No. 6608 o ang Maharlika Investment Fund (MIF) Bill.
Ito’y matapos na i-certify as urgent ni Pangulong Ferdinand Marcos Junior.
Nasa 279 ang bumoto pabor sa pag-apruba ng panukalang batas habang 6 ang nag-oppose o hindi pumabor sa pagpasa nito. Nasa 90% rin o 282 ang mga co-authors ng nasabing panukala.
Ayon kay House Speaker Martin Romualdez, isa sa mga principal author ng House Bill 6608, nais nilang tiyakin sa publiko na magiging maayos ang pagpapatakbo ng Maharlika Investment Fund.
Sa ilalim ng panukalang batas, ang Landbank of the Philippines, Development Bank of the Philippines, Philippine Gaming and Amusement Corporation at Bangko Sentral ng Pilipinas ang magiging contributors ng MIF.
Maaaring makulong ng hanggang 20 taon at multa na hanggang P3-M ang lalabag sa panukalang batas.
Ang national treasurer ang inatasan na bumuo ng Implementing Rules and Regulations (IRR) ng MIF.
METRO MANILA – Pasado na sa kamara ang House Bill number 4488 o ang General Appropriations Fund para sa P5.268-T proposed national budget para sa susunod na taon.
Matapos ang budget deliberation, tinalakay sa plenaryo ang panukalang pondo ng bawat ahensya ng gobyreno. Isang linggo isinagawa ang nasabing plenary debates.
Una nang na-certify as urgent ni Pangulong Ferdinand Marcos Jr. ang proposed 2023 national budget, agad na naipasa ito sa mababang kapulungan ng Kongreso.
Muling iginiit ng mga mambabatas sa kamara na ang alokasyon ng pondo ay nakahanay sa layon na mapalago ang ekonomiya, mapalakas ang sektor ng agrikultura, at magkaroon ng mas maraming oporunidad para sa manggagawang Pilipino.
Sa ngayon, ipapasa na ng kamara ang General Appropriations Bill sa Senado. Magsasagawa ng Bicameral conference upang maisaayos ang pagkakaiba ng 2 appropriations bill.
Tags: 2023 Budget, Kamara
