METRO MANILA, Philippines – Magtataas ng presyo ang nasa 25% ng 200 mga brand ng pangunahing bilihin na mino-monitor ng Department of Trade and Industry (DTI). 75% naman sa mga ito ang wala pang price increase.
Batay sa report ni Mon Jocson sa Good Morning Kuya, ang mga kumpanya ay pinakiusapan ng DTI na huwag munang magtaas ng presyo hanggang sa katapusan ng 2018. Pumayag naman ang ilang brand ng de lata gaya ng sardinas at canned meat, gayun na rin mga sabong panlaba.
Naghihintay naman ng tugon ang DTI sa mga manufacturer ng gatas, kape at noodles hinggil sa kanilang pakiusap. Datapwa’t may mga hindi muna magtataas ng presyo, mayroong ilan naman ang magpapatupad ng price increase matapos aprubahan ng DTI ang inihabol na request ng mga ito gaya ng ilang detergent.
“Itigil muna kung may plano silang mag-increase, kahit P0.50 ay ‘wag muna. Ipagpaliban na nila ‘yun kahit mga tatlong buwan para ‘wag na magsabay-sabay dito sa inflation,” ani ni DTI Secretary Mon Lopez.
Tinitiyak ng kagawaran na kahit papaano ay mapananatali nilang stable ang presyo ng mga pangunahing bilihin. Ang kailangan na lamang tutukan ay ang pagtaas sa presyo ng mga agricultural product gaya ng bigas, gulay, isda, manok at baboy.
Ngayong linggo ay inaasahang maglalabas ang DTI ng updated list ng expanded suggested retail price.
Tags: dagdag singil, DTI, inflation, presyo, price increase
METRO MANILA – Nalagpasan ng Pilipinas sa kauna-unahang pagkakataon ang $100-B exports noong 2023.
Ayon sa export marketing bureau ng Department of Trade and Industry (DTI), ang full-year total exports ng bansa sa goods at services ay umabot sa $103.6-B noong nakaraang taon.
4.8 percent na mas mataas kumpara noong 2022.
Ayon sa DTI, ang paglago ng export ng Pilipinas ay dahil sa paglakas ng performance ng Information Technology at Business Process Management (IT-BPM) sectors.
Dagdag pa rito ang pagtaas ng kita mula sa turismo.
Tags: DTI
METRO MANILA – Ipapatupad na sa Lunes ang pinalawak na price cap sa mga basic necessities at prime commodities.
Ito ay matapos pirmahan ng Department of Trade and Industry (DTI) at Department of Agriculture (DA) ang joint administrative order para sa 5% discount ng mga Senior Citizens at Persons With Disability (PWD).
Kung saan mas malaki na ang kanilang matitipid sa mga produkto na kanilang bibilhin.
Ayon sa (DTI), mga local na produkto ang karamihang pasok sa diskwento at aplikable na rin ang 5% discount sa pagbili online.
Nilinaw naman ng DA na hindi kasama sa diskwento ang mga Kadiwa store, mga barangay micro business at mga kooperatiba na naka rehistro sa Cooperative Development Authority.
METRO MANILA – Nagpatupad ng price freeze sa essential commodities ang Department of Trade and Industry (DTI) sa 2 bayan sa Oriental Mindoro dahil sa El Niño.
Sakop nito ang mga bayan ng Bulalacao at mansalay na naideklarang isasailalim sa state of calamity dahil sa tagtuyot.
Sa loob ng 60 araw, hindi dapat gagalaw ang presyo ng delatang isda, processed milk, kape, sabong panlaba, sabon panligo, tinapay at bottled water.
Ang sinomang lalabag sa kautusan ay mahaharap sa hanggang 10 taong pagkakakulong o multang mula P5,000 hanggang P1-M.
Tags: DTI, Price freeze
