Sa mga may transaksyon sa bangko o may bibilhin pa sa mall, asikasuhin na ninyo ito ngayon o bukas dahil sarado na ang mga ito sa Huwebes at Biyernes.
Sa abiso ng BDO, sarado ang lahat ng kanilang branches sa Huwebes at Biyernes pero bukas naman sa sabado at linggo ang sangay nila sa NAIA at Clark forex counter.
Ang Metrobank naman at halfday lang sa Huwebes, Sabado at Linggo pero sarado sila sa Biyernes.
Sarado rin sa Huwebes at Biyernes ang Bank of the Philippine Islands, Chinabank, Philippine Veterans Bank, UCPB at PNB pero ang Security Bank at Maybank ay sarado hanggang sa araw ng Linggo.
Balik-operasyon ang mga bangko sa Lunes, April-6. Sa mga kailangan namang mag-withdraw, online naman ang kanilang ATM machines pero asahan na ang mahabang pila dahil sa dami ng magbabakasyon.
Mag-ingat rin sa posibleng pagsalakay ng mga holdaper at tampered machines. kung liblib na lugar ang pupuntahan, mas maiging mag-withdraw na ng pera bago pa umalis.
Sa mga nagbabalak namang mamili, sarado ang lahat ng SM malls sa Huwebes at Biyernes maliban sa Baguio City. Bukas rin ang restaurants sa SM Mall of Asia.
Sarado rin by Thursday and Friday ang Ayala Malls, Gateway, Eastwood, Shangri-La Malls pati na ang Robinsons maliban sa mga branches sa Palawan, Luisita, Pangasinan, Malolos at Santiago.
Balik sa normal na operasyon ang lahat ng mga mall sa Sabado.
Tags: Ayala Malls, BDO, Chinabank, Clark forex counter, Eastwood, Maybank, Metrobank, NAIA, Philippine Islands, Philippine Veterans Bank, PNB, Shangri-la Malls, UCPB
METRO MANILA – Inaasahan ng Department of Transportation (DOTr) na sa darating na Miyerkules, March 27, posibleng umabot sa 150,000 ang bilang ng mga daragsang mga pasahero sa Ninoy Aquino International Airport (NAIA).
Mas mataas ito kumpara sa daily average na kadalasang umaabot ng 135 hanggang 140,000 lamang.
Umaasa si DOTr Sec. Jaime Bautista na agad na maipatutupad ng winning bidder para sa NAIA rehabilitation ang ilang infrastructure projects gaya ng bagong kalsada para maibsan ang mabigat na daloy ng trapiko lalo na tuwing peak season.
METRO MANILA – Inihain ni OFW Party-list Representative Marissa Del Mar Magsino ang House Resolution Number 1615 upang imbestigahan ng komite sa kamara ang mga isyung kinakaharap ng Ninoy Aquino International Airport (NAIA).
Partikular na ang ulat ng mga peste at mabigat na daloy ng trapiko sa complex at mga kalapit-lugar ng paliparan.
Gayundin ang mahabang pila ng mga pasahero sa immigration checking counters.
Ayon sa mambabatas, nakaapekto na ito sa kalusugan at kaalwanan ng mga bumibiyaheng pasahero.
Binibigyang-diin sa resolusyon ang mga nakakababahalang isyu sa NAIA na nakaapekto sa reputasyon ng bansa.
Tags: NAIA
METRO MANILA – Patuloy na tumataas ang bilang ng mga pasaherong dumarating sa bansa ngayong Disyembre.
Sa datos ng Bureau of Immigration (BI) mula sa 50,000 arrivals sa unang Linggo ng buwan ay umaabot na ito sa halos 60,000 noong weekend.
85% ng arrivals ay dumaan sa Ninoy Aquino International Airport (NAIA).
Nasa mahigit 31,000 din ang departures noong December 23.
Hinimok naman ng Bureau of Immigration ang mga Pilipino na gamitin ang e-gates para sa mas mabilis ang clearance at mag-pregister sa e-travel portal 3 araw bago ang nakatakdang pag-alis o pagdating sa bansa.
