Pasado na sa House Committee on Justice, sa botong 8-1, ang resolusyon na humihikayat sa Sandiganbayan na payagang isailalim sa house arrest si Pampanga Representative Gloria Macapagal Arroyo.
Mayorya ng mga miyembro ng komite ay pabor na ma-house arrest si Arroyo dahil sa umano’y humanitarian reasons.
Gaya ng ulat ng kaniyang mga doktor na hindi na nagre-responsd ang katawan ng kongresista sa mga gamot na ibinibigay sa kaniya.
Ayon din Kay House Committee on Justice Chairman Neil Tupas Jr, kinonsulta nila ang Philippine National Police sa kalagayan ni CGMA na hindi sya flight risk.
Dadalhin pa sa plenaryo ang resolusyon upang pagtibayin.
Matatandaang naka-hospital arrest si CGMA sa Veterans Memorial Medical Center dahil sa P366- million plunder case.(Aiko Miguel/UNTV Radio)
Ayaw pa ring magbigay ng pahayag ni House Speaker Gloria Arroyo sa isyu ng pagpapaaresto ng Makati Regional Trial Court kay Senator Antonio Trillanes IV.
Matatandaang sa ilalim ng administrasyon noon ni Arroyo nangyari ang pag-aaklas ni Trillanes kasama ng iba pang miyembro ng Magdalo group.
Kahapon matapos magpiyansa ng dalawang daang libong piso sa kasong rebelyon, nakabalik na rin sa Senado si Trillanes.
Sa botong 23-1, hindi na nakapasa sa sufficiency in substance ang impeachment complaint na inihian nina Albay Representative Edcel Lagman laban kina Supreme Court Associate Justices Lucas Bersamin, Diosdado Peralta, Francis Jardaleza, Noel Tijam, Andres Reyes, Alexander Gersmundo at kay Chief Justice Teresita De Castro.
Sa kasagsagan ng pagdinig, iginiit ni Lagman na ang hindi pag-inhibit ng mga nasabing mahistrado sa pagboto sa quo warranto petition laban kay dating Chief Justice Ma. Lourdes Sereno, sa kabila ng kanilang hayagang paglalabas ng sama ng loob kay Sereno sa kasagsagan ng impeachment proceedings sa Kamara.
At ang pagkuha umano nito ng kapangyarihan ng Kamara na magtanggal sa pwesto ng isang impeachable officer ay malinaw na impeachable offense.
Pero tinutulan ng mga kongresista ang argumento ni Lagman dahil ginagawa lang umano ng mga mahistrado ang kanilang trabaho.
Batay naman sa rules ng Kamara, maaari pang mabaliktad ang desisyon ng House committee on justice kung ang reklamo ay makakakuha ng 1/3 na boto ng lahat ng mga kongresista.
( Grace Casin / UNTV Correspondent )
Tags: House Committee on Justice, impeachment complaint, Kamara
6 na articles of impeachment ang naisapinal ng House Committee on Justice matapos ang halos 6 na buwang deliberasyon sa impeachment complaint laban kay Chief Justice Ma. Lourdes Sereno.
Una ay ang hindi pagsusumite ni CJ Sereno ng kumpleto at sinumpaang Statement of Assets Liabilities and Net Worth o SALN at hindi pagbabayad ng tamang buwis.
Pangalawa ay ang hindi tamang paggastos sa 18-million pesos na public fund sa kanyang sariling pakinabang, pagbili ng sasakyang nagkakahalaga ng mahigit 5 milyong piso at pagkuha ng IT consultant na sumuweldo ng mahigit labing isang milyong piso.
Pangatlo ay ang pagdedesisyon at paglalabas ng resolusyon na hindi dumaan at iba sa napagkasuduan sa SC en banc.
Pang-apat ay ang umano’y pagmanipula sa Judicial and Bar Council bilang ex officio member nito.
Panglima ay ang paglabag sa separation of powers ng tree branches of government dahil sa pakikialam sa kaso ng Ilocos-6.
At pang-anim ay ang tahasang hindi umano niya pagtupad sa sinumpaang tungkulin base na rin sa pahayag ng mga associate justice na humarap sa kumite.
Lahat umano ito ay pasok sa culpable violation of the Constitution, betrayal of public trust, corruption at ibang high crimes.
Tanging si Quezon City Rep. Kit Belmonte lamang ang tumutol sa nilalaman ng articles of impeachment.
Hindi naman ikinagulat ng kampo ni Chief Justice Sereno ang naging takbo ng botohan at sa ngayon ay pinaghahandaan na ng punong mahistrado ang kaniyang depensa.
Ngayong linggo ay target ng kumite na maisumite sa Committee on Rules ang articles of impeachment para mai-kalendaryo na sa plenaryo.
Pero ayon kay Majority Floor Leader Rudy Fariñas, posibleng sa Mayo na matatalakay sa plenaryo ang impeachment complaint laban kay Sereno dahil hanggang sa Miyerkules na lang ang sesyon ng Kongreso.
( Grace Casin / UNTV Correspondent )
Tags: articles of impeachment, CJ Sereno, House Committee on Justice
