Bibiyahe na ngayong araw sa ruta ng Taytay, Rizal patungong Quiapo, Manila ang pinakabagong honesty bus na inilunsad ng isang pribadong kumpanya.
Mula sa bansag na honesty bus, bibiyahe ito ng walang kondutor na maninigil ng pamasahe.
Sa halip, mismong ang pasahero ang siyang maghuhulog ng kanyang pamasahe sa box na makikita pagpasok sa unahan at gitnang pintuan ng bus.
Mayroong nakapaskil na fare matrix o taripa sa loob ng bus upang malaman ng mga pasahero kung magkano ang babayaran nilang pamasahe at sila na rin ang mismong kukuha ng tiket.
Nagkakahalaga ang pamasahe ng 12 hanggang 50 piso depende sa destinasyon ng pasahero.
Ayon sa operations head ng G-Liner na si Ricardo Himino, ginawa ang naturang konsepto upang maituro sa mga Pilipino ang kahalagahan ng pagiging matapat at masolusyunan ang kakulangan nila sa mga tauhan.
Noong Sabado ay isinailalim sa dry-run ang honesty bus.
Sa ngayon ay iisa pa lamang ang bibiyaheng unit nito subalit plano ng operator nito na magdagdag pa ng apat na unit sa susunod na buwan.
Challenging naman para sa ilang mga pasahero ang kakaibang konsepto ng honesty bus.
Bagaman hindi isinasantabi ng G-Liner ang posibilidad ng pagkalugi sakaling maraming mananamantala, ito anila ang susunod nilang titingnan at pag-aaral sa mga susunod na panahon.
Ang importante anila sa ngayon, masubukan muna kung magiging epektibo ang sistema ng honesty bus.
( Jennica Cruz / UNTV Correspondent )
Tags: G-Liner, honesty bus, Quiapo
Ilang miyembro ng Liberal Party mula sa Quezon, Laguna, Cavite at Manila ang nagsama-sama para gunitain ang ika-apatnapu’t pitong anibersaryo ng Plaza Miranda bombing.
Isa sa mga miyembro nito ang emosyonal na nagbahagi ng naranasan sa nangyari noong Agosto 21, 1971.
Matatandaan na noong 1971, dalawang granada ang sumabog sa Palaza Miranda habang isinasagawa ang proclamation rally ng Liberal Party. Walo ang namatay at mahigit isang daan ang sugatan.
Bago matapos ang programa, nag-alay ng bulaklak ang mga miyembro ng Liberal Party sa Plaza Miranda bilang pag-alaala sa mga nabiktima ng pangbobomba.
Tinapos ang maikling programa sa pag-awit ng “Bayan Ko”.
Tags: Plaza Miranda, Plaza Miranda bombing, Quiapo
Habang pagabi ay dumarami na rin ang bilang ng ating mga natutulungan dito sa Quiapo, Maynila. Bunsod ng pagdagsa ng mga tao sa Quiapo Area at init ng panahon, marami sa mga nag-aabang sa Traslacion ang nahimatay at agad na isinugod sa mga medical booth.
As of 4pm, umabot na sa limampung indibidwal ang nabigyan ng medical assistance ng UNTV News and Rescue Team. Karamihan sa mga ito ay nagtamo ng minor injuries habang isa naman ang naisugod sa ospital dahil sa suspected stroke. Limampu’t isa naman ang natulungan ng Fire Emergency Paramedic Assistance Group o FEPAG.
As of 3:15 pm, 726 naman ang naging pasyente ng Philippine Red Cross. 41 dito ay may major injuries tulad ng kung saan apat ang may suspected neck at spine fracture.
Sa pagtataya ng Philippine National Police, as of 3pm nasa estimated 400 thousand na ang tao na nasa Quaipo area.
( Nel Maribojoc / UNTV Correspondent )
Tags: FEPAG, Quiapo, UNTV News & Rescue
Pansamantalang nanunuluyan ngayon sa covered court ng Barangay 390 sa Manila ang nasa 60 pamilya na nawalan ng tahanan dahil sa nangyaring sunog sa Arlegui St. Brgy. 387 Zone 39 sa Quiapo, Maynila.
Ayon sa inisyal na ulat ng Bureau of Fire Protection Manila tinupok ng apoy ang nasa 24 na bahay.
Ayon sa mga residente nagmula ang apoy sa isang kuwarto sa ikalawang palapag ng bahay kung saan mayroon umanong nag-aaway na mag asawa.
Bigla umanong binuhusan ng lalaki ang bahay ng gasolina at saka sinindihan dahil gawa sa light materials ang mga bahay ay mabilis kumalat ang apoy.
Umabot sa Task Force Charlie ang sunog.
Sugatan ang tatlong fire volunteer matapos mabagsakan ng debris mula sa mga nasusunog na bahay.
Alas singko singkwentay kuatro ng umaga ng ideklarang fire out ang sunog na tumagal ng sampung oras.
Wala namang nasawi sa insidente ngunit tinatayang nasa 2 milyong piso ang halaga ng naabong ari arian.
(Reynante Ponte / UNTV Radio Correspondent)
Tags: 60 pamilya, manila, Quiapo, sunog
