579 na pasahero ang nastranded ngayong araw sa limang major port sa Luzon dahil kay Chedeng ayon sa Philippine Coast Guard.
360 biyahero ang hindi nakaalis sa Talao-Talao port, 92 sa Balanacan at 12 naman sa Salome port sa Southern Tagalog region.
103 stranded passengers naman ang naitala sa Tabaco port at 12 sa Pasacao port sa Bicol.
Samantala, walong vessels, isang motor banca at 17 rolling cargoes ang hindi rin nakaalis sa mga nasabing pantalan dahil sa sama ng panahon.
Paalala ng Coast Guard na kanselado ang mga biyahe ng sasakyang pandagat sa mga lugar na may storm warning signal.
Patuloy ang ginagawang imbestigasyon ng Philippine Coast Guard sa Negros Occidental dahil sa insidente ng pagtaob ng 2 bangka sa lungsod ng Sagay at San Carlos nitong linggo (March 20) dahil sa malakas na alon.
Ayon sa Disaster Risk Reduction and Mnagement Office , walang nasawi sa 55 na pasahero, 45 sa mga ito ay mula sa Sagay na miyembro ng Brotherhood Riders Club at ang 10 ay mula sa San Carlos City na agad naman nabigyan ng medikal na atensyon.
“Walang nasawi o malubhang pinsala ngunit bahagi ito ng pamamaraan na lahat ay dapat na sumailalim sa medikal na pagsusuri, “ani Commander Joe Luviz Mercurio, head ng Coast Guard Station-Northern Negros Occidental.
Batay sa inisyal na impormasyon, napagaalaman ng Coast Guard na ang ilang mga bangka ay mga iligal na naghahatid ng mga pasahero at ang mga operator na walang dokumento o awtorisasyon.
(Zy Cabiles | La Verdad Correspondent)
Tags: Philippine Coast Guard
METRO MANILA, Philippines – Itinalaga ni Pangulong Rodrigo Duterte bilang susunod na commandant ng Philippine Coast Guard (PCG) si Vice Admiral Joel Garcia.
Ayon kay Presidential Spokesperson at Chief Presidential Legal Counsel Salvador Panelo, nilagdaan ng Punong Ehekutibo ang appointment paper ni Garcia Kahapon (October 22), at pormal nitong papalitan sa pwesto si Admiral Elson Hermogino sa Huwebes. Si Garcia ang kasalukuyang Deputy Commandant For Administration ng coast guard.
Tiwala naman ang palasyo sa kakayahan ni Garcia na pamunuan ang PCG dahil sa lawak ng kaalaman at karanasan nito gayundin ang kaniyang integridad bilang opisyal ng organisasyon. Si garcia ang magsisilbing pang 28th commandant ng Philippine Coast Guard.
(Rosalie Coz | UNTV News)
Tags: Philippine Coast Guard
Lunes pa lamang ng gabi ay nagsimula nang ipatigil ng Philipppine Coast Guard (PCG) sa Matnog, Sorsogon ang byahe ng 10 roro papapuntang Allen, Northern Samar.
Ayon sa PCG Matnog, kahit walang gale warning sa probinsya ay nakataas namaan sa storm signal number 1 sa Northern Samar.
Bunsod nito, nasa 1,259 na pasahero na ang stranded sa Matnog Port, gayundin ang 48 bus, 64 truck, 35 na light car at 147 rolling cargos.
Naiintindihan naman ng ilang pasahero ang hakbang na ito ng PCG. Tanging pakiusap lang ng mga ito sa PCG at sa lokal na pamahalaan na mabigyan sila ng makakain.
Kahapon ay nagpulong na rin ang mga ahensya ng pamahalaan sa pangunguna ng LGU Matnog, Sorsogon, Philipppine Coast Guard, Philippine National Police, Bureau of Fire Protection, Philippine Army, Municipal Social, Welfare and Development.
Kabilang sa kanilang mga napag-usapan ay kung papaano nila mapangangalagaan ang mga stranded na pasahero.
Sisimulan na rin anila ang pamimigay ng pagkain sa mga apektadong pasahero. Maglalagay naman ng check points ang PNP sa mga posibleng daraanan ng mga byaherong papuntang pantalan para mapagbawalan ng huwag ng tumuloy.
Ayon sa PCG, posible pang madagdag ang bilang ng mga naantalang pasahero sa loob ng 24 oras hanggat nakataas pa rin ang gale warning sa Kabisayaan.
Sa Pilar Port sa Sorsogon, hindi rin pinahintulutang makatawid ng Masbate Island ang ilang mga pasahero 95, 5 vessel at 3 motorized banca dahil nakataas ron sa probinsya ang storm signal number 1.
( Allan Manansala / UNTV Correspondent )
Tags: PCG, stranded passengers, Visayas
