MANILA, Philippines – Dinagdagan ng Department of Agriculture (DA) ang ayudang ibinibigay sa mga nag-aaalaga ng baboy na naapektuhan ng African Swine Fever (ASF).
Mula sa datingP3,000, P5,000 na ang ibibigay ng DA sa kada baboy na pinatay at papatayin pa na nasa sa loob ng 1-kilometro mula sa lugar na nagpositibo ang ASF na umabot na sa mahigit 40,000.
Paiigtingin din ng DA ang pagbabantay sa mga quarantine checkpoints sa iba’t-ibang lugar sa bansa para maiwasan ang pagkalat ng virus.
Nasabat noong Biyernes, (October 11) sa San Juanico Bridge sa Tacloban City ang 700 crates ng iba’t-ibang mga produktong baboy mula sa Bulacan ayon sa Tacloban City Veterinary Office, kinumpiska ang mga produkto dahil sa kakulangan ng kinakailangang dokumento.
Sa post naman ni Mindanao Development Authority Chair Sec. Manny Piñol sa social media, kinuwestyon nito kung bakit nakalusot ito sa mga quarantine checkpoint sa Matnog Sorsogon at Northern Samar. Iimbestigahan naman ito ng DA.
Samantala ayon naman sa grupo ng mga meat processor, posibleng malugi sila ng P55B kung hindi aayusin ang sistema ng pagbabawal sa pagbyahe ng mga pork products. Dumaan naman aniya sa proseso ang kanilang produkto sa init na mamamatay ang ASF virus.
(Rey Pelayo | UNTV News)
Umabot sa 100 libong metriko tonelada ng sibuyas ang nasayang noong 2022 base sa datos ng Department of Agriculture. Katumbas na ito ng 35% ng kabuoang ani sa buong taon.
Ayon sa D.A., ito’y dahil sa hindi maayos na paghawak sa produkto at kakulangan din ng cold storages o imbakan.
“Doon po sa farm mismo, doon palang po pag ‘di maganda ang panahon meron na pong loss doon. Kung hindi po maganda ang pagka handle halimbawa binabalagbag po ‘yung mga sibuyas meron din po yung loss,” ani Diego Roxas, Spokesperson, BPI.
Ilulunsad naman ng D.A. ang Optimization and Resiliency in the Onion Industry Network (ORION) program.
Kabilang sa mga stratehiya na nakapaloob sa programa ay pagbibigay ng easy access credit loans sa mga magsasaka at iba pang onion stakeholders.
Plano rin ng kagawaran na isulong ang pagbuo ng national information database upang masiguro ang updated at iba pang importanteng datos sa produksyon at pagbebenta ng sibuyas.
Ayon sa BPI, ngayong 2023 ay naglaan ang pamahalaan ng 240 million pesos para sa pagtatayo ng cold storage sa mga lugar na itinatanim ito.
Isa sa pinakamaraming nagtatanim ng sibuyas ay sa Occidental Mindoro. Nangangailangan din sila ng dagdag na cold storages para maiimbak ang kanilang mga aanihing sibuyas.
Ayon sa acting provincial agriculturist na si Alrizza Zubiri, ang kanilang lalawigan na kayang mag supply ng halos kalahati ng pangangailangan ng buong Pilipinas sa isang taon.
Umaabot sa mahigit sa 90 thousand metric tons ang kanilang produksyon ng sibuyas.
“As per computation po, around 40% ay kaya nang i-supply ng Occidental Mindoro. That is for more than 7,000 hectares area of production,” pahayag ni Alrizza Zubiri, Acting Provincial Agriculturist, Occidental Mindoro.
Kung maiiimbak aniya ng maayos ang mga sibuyas ay nasa P200 lamang kada kilo ang pinakamataas na maaaring maging presyo nito sa panahong walang tanim.
“Sana i-prioritize muna itong nasa cold storages outside our province ay ma-prioritize muna ‘yung mga local producers na makapaglagay ng mga sibuyas sa kanilang cold storages,” dagdag ni Alrizza Zubiri, Acting Provincial Agriculturist, Occidental Mindoro.
Rey Pelayo | UNTV News
Nasa 350 hanggang 550 ang presyo ngayon ng sibuyas sa mga pangunahing palengke sa Metro Manila. Noong nakaraang taon ay umabot sa 720 ang presyo nito sa kasagsagan ng holiday season. Pero ngayon ay dumarami na rin ang ani ng mga magsasaka gaya sa Central at Northern Luzon.
Bumaba na rin sa 220 pesos ang halaga kada kilo nang benta ng mga magsasaka.
Ayon sa Department of Agriculture, posibleng ring naging dahilan ng pagbaba ay ang anunsyo ng kagawaran sa pagaangkat ng sibuyas.
‘Yung pagbaba ng presyo sa farm gate price, well one is probably mas maganda na yung ani nila and second is nakita nila na may importation that will also affect yung presyo nila sa bukid,” ani Asec. Kristine Evangelista, Spokesperson, DA.
Nangangamba ngayon ang mga magsasaka lalo na kung masasabay pa ang pagdating ng imported na sibuyas sa panahon na mas marami na silang aanihin.
‘Malaki na po ang ibinaba ng presyo sa farm gate. Naging 220 nlang po ang presyo sa farmgate price. Possible po na hanggang Monday below 200 na ang price sa bukid,” pahayag ni Eric Alvarez
VP, KASAMNE.
Ang pagasa nalang ng Philippine Chamber of Agriculture ang Food Incorporated, huwag lumampas ng Enero ang pagdating nito para hindi labis na maapektuhan ang mga magsasaka. Pero ang problema daw sa sibuyas ay bahagi lang ng mas malaking problema ng kagawaran.
“Onions problem is a symptom of a problem. It’s a symptom of a problem that onions is just telling us an example of what is happen to the different commodities,” ayon kay Danilo Fausto, President, PCAFI.
Kaya hiling ng Chairman ng United Broiler Raisers Association sa Pangulong Ferdinand Marcos Jr., magtalaga na ng ibang mamumuno sa ahensya.
Mula ng maging Presidente si Marcos ay siya na rin ang naging kalihim ng Kagawaran ng Agrikultura.
“Alam mo ang Presidente napakalaki ng problema nya sa Pilipinas hindi lang sa agrikultura. Ang daming concerns, palagi siyang wala sa bansa natin. In fact, dalawang beses palang siya nagpunta sa Department of Agriculture. Dapat mag assign na siya ng permanent sa DA at ‘yung matino,” pahayag ni Gregorio San Diego, Chairman, Egg Board & Ubra.
Rey Pelayo | UNTV News
Tags: Asec. Kristine Evangelista, Department of Agriculture, sibuyas
Tinalakay sa senado ang isang panukalang batas para palakasin pa ang ang yellow corn industry sa bansa. Base ito sa inihaing batas ni senator Cynthia Villar na senate bill number 120 o ang Yellow Corn Industry Development Act.
Sa ngayon, sapat ang suplay ng mais para sa taong 2023. Ayon sa Department of Agriculture, nasa 8.9 million metric tons and demand ng mais ngayon taon, at mayroon namang 9 million metric tons na suplay. Ngunit, halos kalahating milyon dito ang imported.
Sa pagdinig ng Senate Committee on Agriculture, Food and Agrarian Reform, sinabi ni senator Cynthia Villar na hindi na dapat magangkat ang Pilipinas ng suplay ng mais.
Giit ng senador hindi importasyon ang pangunahing mandato ng Department of Agriculture.
“Clear ba iyon sa atin? Na hindi niyo trabaho ang buhayin ang importer, ang trabaho niyo buhayin niyo ang local farmers. That’s the role of the Department of Agriculture. Sana tandaan niyo iyon,” ani Sen. Cynthia Villar, Senate Committee on Agriculture and Food.
Kamakailan lamang ay naaprubahan ang paggangkat ng sibuyas sa gitna ng pagtaas ng presyo nito sa merkado.
Ayon sa mambabatas, isang pansamantalang solusyon lamang ang pagaangkat ng suplay at hindi dapat gawing long term solution. Mandato din aniya ng Department of Agriculture na magpatupad ng mga programang makatutulong sa industriya ng agrikultura at matulungan ang mga kababayan nating magsasaka.
Samantala, sa pagdiig, ikinatuwa ng D.A. ang karagdagang pondong inilaan para sa corn industry sa bansa.
Ayon kay D.A. Assistant Secretary Arnel de Mesa, nasa isang bilyong piso lamang ang natatanggap para sa National Corn Program, ngunit naging limang bilyon na ito ngayong 2023.
“For the longest time, masyadong na-focus of course ang budget ng Department sa rice at kakaunti annually ang napupunta sa corn. Ang 5 billion po ay mapupunta sa production support, the seeds and fertilizer. Nagkaroon din po tayo ng realignment for irrigation dahil isa po iyon sa problema ng mais,” dagdag ni Sen. Villar.
Suportado naman ng kagawaran ang panukalang batas para sa pagpapalago ng yellow corn industry sa bansa.
Aileen Cerudo | UNTV News
