Apektado pa rin ang Luzon ng habagat na pinalalakas ng Bagyong Inday.
Makararanas ng malalakas na pag-ulan ang Metro Manila, Ilocos Region, CAR, Bataan, Zambales, Batanes at Babuyan Group of Islands.
May paminsan-minsan ding pag-ulan sa nalalabing bahagi ng Luzon. Posible ring makaranas ng mga pagbaha at pagguho ng lupa.
Namataan ng PAGASA ang Bagyong Inday sa layong 995km sa east northeast ng Basco, Batanes.
Taglay nito ang lakas ng hangin na 85kph at pagbugso na aabot sa 105kph. Kumikilos ito pa-northwest sa bilis na 15kph.
Ayon sa PAGASA, bukas ay inaasahang lalabas na rin ng Philippine area of responsibility (PAR) ang bagyo at wala itong direktang epekto sa bansa.
Ang high tide sa Manila Bay ay aabot sa 0.84 meters dakong 3.33pm ngayong araw.
Tags: Bagyong Inday, habagat, Luzon
METRO MANILA – Umabot na sa 16 ang mga nasawi dahil sa bagyong Egay at southwest monsoon o habagat.
Batay ito sa latest report ng National Disaster Risk Reduction and Management Council (NDRRMC) as of July 30.
1 sa mga nasawi ang kumpirmado, habang bineberipika pa ang 15.
52 naman ang mga napaulat na nasaktan at 20 ang nawawala.
Samantala, umabot na sa mahigit P1.5-B ang pinsala nito sa agrikultura.
Habang halos P10-M sa imprastraktura.
Nasa P64-M naman ang naibigay nang tulong sa mga naa-pektuhan ng bagyo.
Posibleng maglabas na ngayong araw ang Interagency Task Force on Emerging Infectious Diseases ng kanilang rekomendasyon kung palalawigin o tatapusin na ang umiiral na Enhanced Community Quarantine sa Luzon region.
Sa isang panayam kahapon, April 5, 2020, sinabi ni Cabinet Secretary Karlo Nograles na ibabatay sa scientific data ang kanilang rekomendasyon. Kabilang dito ang epidemiological trend, kapasidad ng health system ng bansa gayundin ang social, economic at security concerns.
Ayon naman kay Presidential Spokesperson at Chief Legal Counsel Secretary Salvador Panelo, kasalukuyang pinag-aaralan ni Pangulong Duterte kung ano ang susunod nitong magiging hakbang kaugnay ng ECQ.
Kasunod ito ng pagsuporta ng ilang medical experts, negosyante, ibang opisyal ng pamahalaan sa pagpapalawig ng ECQ ng dalawa pang linggo upang tuluyang maresolba ang krisis sa kalusugan dahil sa COVID-19.
Tags: ECQ, Ehanced Community Quarantine, lockdown, Luzon
Manila, Philipines – Tumaas ng 10 metro ang lebel ng tubig ng magat dam. Nasa 172.93 meters na ito kahapon alas-6 ng umaga.
Pero ayon sa pagasa, mababa parin ito ng halos 5 metro kung ikukumpara sa rule curve elevation o normal nitong lebel sa ganitong panahon.
“May pagpagulan doon sa may bandang isabela, sa may mountain province. Pag dun umulan papasok sa water reservoir ng magat” ayon kay Dost-Pagasa Weather Specialist II, Edgar Dela Cruz.
Tumaas din ng halos 1 metro ang lebel ng tubig sa Caliraya dam sa Laguna kumpara sa lebel nito kahapon gayun din ang Ipo, Ambuklao at Binga.
Ang la mesa dam ay napako na sa 68.45. Bumaba naman ang water level sa san roque at pantabangan dam. Patuloy din ang pagbaba ng lebel ng tubig sa angat dam na ngayon ay nasa 179.50 meters.
Ayon sa National Water Resources Board (NWRB) , mababa ito sa minimum operating level na 180 meters. Nilinaw naman ng ahensya na ang ganitong lebel ay hindi kritikal para sa supply ng tubig sa Metro Manila kundi para lamang sa mga sakahang umaasa sa dam.
Sa ngayon ay nagpapakawala pa rin ng 38 cubic meters per second (CMS) ang dam para sa metro manila habang 10cms na lamang para sa irigasyon mula sa dating 35cms.
Malalagay sa critical na lebel ang dam kapag tumuntong na ito sa 160 meters. Naitala ang pinakamababang lebel ng angat dam noong July 2010 kung saang sumadsad ito sa 157.55 meters.
“Ang 180 (meters) kasi critical level yan lumalabas para sa irrigation. Kasi nagkakaroon na tayo ng adjustment sa irrigation below that level” ani NWRB Executive Director, Sevillo David Jr.
Sa pagtaya ng nwrb, posibleng bumaba sa 173.52 meters ang lebel ng dam sa katapusan ng Mayo. Dito pag-aaralan na ng ahensya kung babawasan na ang supply ng tubig sa Metro Manila para hindi mahirapang makabawi pagpasok ng tag-ulan.
“4.00- icoconsider din natin yung succeeding months kasi for preparation. One of the is baka magkaroon ng adjustment sa allocation kung kinakailangan if wala pang masyadogn mga ulan na dumarating” pahayag ni NWRB Executive Director, Sevillo David Jr.
Ayon sa pagasa, posibleng sa mayo ay makakaranas na ng mga pagulan ang karamihan sa mga lugar sa bansa subalit posibleng umabot pa sa Agosto ang epekto ng El niño.
(Rey Pelayo | UNTV NEWS)
