Nagsasagawa na ng pursuit operation ang pinagsanib na puwersa ng Philippine National Police at 903rd Infantry Brigade ng Philippine Army sa grupong nasa likod ng pananambang sa Gubat, Sorsogon kahapon.
Sa spot report ng PNP-PRO5, nangyari ang pananambang pasado alas-dos kahapon habang dumadaan ang patrol car na sinasakyan ng limang pulis sa masukal na bahagi ng Sitio Casili sa barangay Marinas.
Patungo sana sa Camp General Simeon Ola sa Legazpi, Albay ang mga pulis nang bigla silang paulanan ng bala ng hindi pa natutukoy na mga salarin.
Agad tinamaan sina SP01 Ronald Din, P03 Aris Hasal, P01 Gerry Gabuyo na ngayon ay nasa Sorsogon Medical Mission Group Hospital;
Habang mga sugat naman sa katawan sanhi ng shrapnel ang tinamo nina P02 Dennis Garbida at P02 Sheryl Marbella.
Sa ngayon ay tumanggi munang magbigay ng anumang pahayag ang hepe ng Gubat police habang patuloy na nagsasagawa ng imbestigasyon sa insidente.
Sa kasalukuyan ay wala pa namang grupong umaako sa naganap na ambush.(Allan Manansala/UNTV Correspondent)
Metro Manila – Mahigit sa siyam na libong pulis ang itatalaga ng PNP sa nasa mahigit isang libong quarantine controlled points sa greater Manila area .
Ayon kay PNP Deputy Chief for Operations at Joint Task Force Corona Virus Shield Commander PLTGEN. Cesar Hawthorne Binag, 7,876 dito ay itatalaga sa 929 na checkpoint sa Metro Manila. 982 naman ang ilalagay sa 162 controlled points sa Central Luzon partikular sa Bulacan at 498 na pulis naman ang magbabantay sa 15 quarantine controlled points sa CALABARZON partikular sa Cavite, Laguna at Rizal.
Nilinaw nito na hindi naman kailangan ng mga travel pass, tanging ID o employment certificate lamang ang hahanapin sa checkpoint upang mapatunayang Authorized Person Outside of Residence (APOR) ang mga ito.
Iisyuhan naman ng ticket ang mga mahuhuling lumalabag base sa ordinansa ng lokal na pamahalaan.
“’Yung gagawin lang nila doon papaalalahanan, sa nag-violate pabalikin or issue-han ng ticket ayon sa ordinansa or dalhin sa isang lugar kung nag-violate sila, sa isang gym or malaking lugar para bigyan ng lecture or panuorin ng video para pagpapaalala sakanila, hindi sila para pahirapan kundi para paalalahanan nitong ECQ protocol natin.” Ani PLtGen. Cesar Hawthorne Binag, Deputy Chief for Operations, PNP.
Payo pa ni Binag sa publiko, huwag nang magpilit pang lumabas ang mga hindi APOR at ang nasa edad 18 pababa at 65 anyos pataas dahil hindi sila makalulusot sa checkpoint.
Pinaalalahanan din ng opisyal ang mga pulis na mag-ingat at alagaan ang kanilang sarili upang hindi mahawaan ng COVIC-19.
Lea Ylagan | UNTV News
Tags: ECQ, Enhanced Community Quarantine NCR, PNP, pulis
Blangko pa rin ang binuong Special Investigation Task Group (SITG) sa Region 10 sa motibo ng pananambang kay PSupt. Michael John Deloso.
Si Deloso ay tinambangan ng dalawang lalaking sakay ng itim na Yamaha Mio na motorsiko sa Luna St. Cor. Provincial Road, Brgy. 29, Cagayan de Oro City habang sakay ng kanyang puting Nissan Urvan pasado alas nuebe ng umaga noong Martes.
Matapos ang pananambang, mabilis na nakatakas ang dalawang suspek na nakasuot ng bonnet at helmet patungo sa diresyon ng Provincial Jail sa Gen. Antonio Luna Street.
Nagtamo si Deloso ng tama ng bala sa iba’t-ibang bahagi ng katawan ngunit nakaligtas at patuloy na nagpapagaling sa ospital.
Ayon kay PNP Spokesperson PCSupt. Benigno Durana Jr. , hindi titigil ang PNP hanggat hindi nakikilala ang mga salarin at kung ano ang motibo sa krimen.
Sinabi pa ni Durana na kababalik lamang ni Deloso sa serbisyo noong ika-20 ng Abril 2018 matapos na baliktarin ng Ombudsman ang desisyon nito noong isang taon na nagdi-dismiss kay Deloso sa serbisyo dahil sa mga kaso ng bribery at extortion.
Dagdag ni Durana, inaalam pa ng mga otoridad kung kabilang si Deloso sa narco list ni Pangulong Rodrigo Duterte.
Nauna nang nag-alok si Pangulong Duterte ng tatlong milyong pisong reward sa mga pulis na makapapatay sa kanilang senior officials na sangkot sa kalakalan ng iligal na droga.
( Lea Ylagan / UNTV Correspondent )
Tags: Cagayan de Oro, PNP, pulis
Nagsagawa ng earthquake drill ang mga pulis sa loob ng Kampo Crame.
Matapos ang tunog ng sirena, kanya-kanyang lumabas ng opisina ang mga pulis.
Nagtungo ang mga ito sa mga parking area sa loob ng kampo na syang ligtas na lugar sakaling magkaroon ng totoong lindol sa bansa.
Ang nasabing earthquake drill ay quarterly na ginagawa sa loob ng kampo.
Tags: Earthquake Drill, Kampo Crame, pulis
