Pinayagan na ng Manila International Airport Authority na mag sakay ng pasahero ang GrabCar sa apat na terminal ng Ninoy Aquino International Airport.
Maglalagay ng Grab booths sa mga designated area sa loob ng paliparan kung saan nakaantabay ang booking agents upang umasista sa pagpapabook ng mga pasahero kahit wala silang smartphones.
Papayagan lang na makapasok ang GrabCar sa NAIA kapag kumpirmado na ang booking slot ng pasahero
Ayon sa MIAA, nasa 1500 ang accredited na taxi sa NAIA subalit kulang pa rin ito para sapatan ang nasa limampung libong pasaherong dumadating sa naturang paliparan araw-araw.
Malaking tulong anya ang Grab para madagdagan ng komportableng transportasyon ang mga pasahero sa airport.
Maaari lamang magsakay ang GrabCar ng mga pasahero sa Main arrival curbside ng Terminal 1, sa Terminal 2 naman ay sa inner arrival curbside sa pagitan ng Bay 7 at Bay 8, sa terminal 3 ay sa Secondary arrival curbside between Bay 5 and Bay 6 at ang huli ay sa curbside ng Terminal 4.
Simula sa March 14 araw ng Lunes ay pormal ng sisimulan ang operasyon ng GrabCar sa airport at maaari ng sumakay dito ang mga pasahero na manggagaling sa NAIA.
(Macky Libradilla / UNTV Radio Correspondent)
