METRO MANILA – Magkaka-alaman na mamayang gabi (March 9) kung kaninong kasaysayan ang guguhit sa Liga ng Public Servants.
Makuha na kaya ng DENR Warriors ang kampyonato at maging kauna unahang Rookie Team na nakagawa nito.
O ma ipwersa pa ng defending champion AFP Cavaliers ang Do or Die game 3 at makuha ang kauna unahang back to back championship title.
Inaasahang bubuwelta ang Cavaliers matapos talunin ng Warriors noong Game 1.
Malaking kawalan sa arsenal ni Coach Sonny Manucat ang injured bigmen na sina Wilfred Casulla at Jeffrey Quiambao.
Inaabangan rin ng Cavaliers fans kung makalalaro na ng 100 percent sina Boyet Bautista at Eugene Tan na may iniindang injury noong game 1 battle.
Subalit ang DENR , desidido ng tapusin ang Season 8 championship sa Game 2.
Kaya ayon kay Coach Norlito Eneran, paghahandaan rin nila ang mga posibleng gawing adjustments ng AFP.
P4-M ang maiuuwi ng kampyon habang P2-M naman sa runner up team.
Sa kabuuan aabot sa P10-M ang kabuuang premyo para sa mga napiling benipisyaryo ng bawat koponan.
Samantala bago ang Game 2 ay ang knock out game sa Semis at Finals ng 3×3 format.
4 na koponan na lamang ang natirang maglalaban para dito, ang Philhealth Plus, SSS Kabalikat, Ombudsman Graft Busters at PITC Global Traders.
P100,000 ang makakamit na premyo ng champion at P50,000 ang runner up team.
4pm naman ng hapon ay handa ng magbigay ng serbisyo ang booth ng SSS at Philhealth sa venue .
(Bernard Dadis | UNTV News)
METRO MANILA – Dumagundong ang PhilSports Arena, Pasig City nitong Lunes (April 15) dahil sa intense game ng UNTV Cup Season 10 Do-or-Die Finals Game 3 sa pagitan ng mga first-time finalist na Social Security System (SSS) Kabalikat at Department of Agriculture (DA) Food Master.
Sa opening quarter ng winner take-all match, hindi nagpaawat ang 2 koponan na makuha ang lamang at bilang resulta ay dikit ng 2 possession ang Agriculture, 25-21. Naging constant ang pace ng ball game sa sumunod na 10 minuto kung saan mula sa 4 na puntos ay naibaba ito ng SSS sa three-point deficit pagsapit ng halftime, 46-49.
Pagsapit ng second half ay bumulusok ng 19-7 run ang Food Master dahil sa magandang ball movement at fast break points upang isagad sa 17 points ang hahabulin ng Kabalikat sa final frame. Dito ay inalagaan ng DA ang double-digit lead at matapos ang 40-minute hardcourt action, isinara ng Agriculture Food Master ang kabanata upang tanghaling kampeon sa score na 101-80.
Bukod sa unang championship title magmula nang sumali ang DA Food Masters noong season 6, nakatanggap din ang koponan ng ₱3-M para sa kanilang napiling benepisyaryo na Rosita Soliman Foundation Inc. habang ₱2-M naman ang maiuuwi ng SSS Kabalikat para sa kanilang tutulungang charitable institution na SSS Provident Fund.
Labis ang pasalamat ni Breakthrough and Milestones Productions International (BMPI) President and CEO Kuya Daniel S. Razon sa mga koponang nakibahagi sa isang dekada ng isports at kawanggawa na kung saan sa pamamagitan ng liga ay nagiging kasangkapan ang mga lingkod-bayan upang makaabot sa mga taong nangangailangan ng tulong at makagawa ng mabuti sa kapwa.
(Judren Soriano | La Verdad Correspondent)
METRO MANILA – Dumadagundong ang The Big Dome sa lakas ng hiyawan ng fans ng Warriors at Cavaliers sa Game 2 ng Best of 3 Series ng Untv Cup Season 8 Finals Kagabi (March 9).
Animo’y bakbakan ng 2 sikat na koponan sa NBA ang sagupaan ng Armed Forces of the Philippines at Department of Environment and Natural Resources (DENR).
Kaagad naka ungos ng 7 puntos ang Warriors sa first quarter sa pangunguna ni Ralph Lansang na nagbuslo ng 2 mula sa 3 point area na sinundan pa ng tig-1 nina Melvin Bangal at Parrenos sa rainbow country.
Sumagot si Eugene Tan ng 2 at 1 naman si Boyet Bautista, 20 -13. Sa second quarter, nagtulong ang 3 Bigmen ng DENR na sina Ed Rivera , Ralp Lansang at Archie Gamboa na may combined 24 points upang palobohin pa sa 15-puntos ang abante, 49-34
Sa 3rd quarter , umabot pa sa 20 puntos ang abante ng DENR. Subalit rumatsada sa opensa si Boyet Bautista para sa Cavaliers ng 15 points, kasama ang 3 na nakangingilong tira sa 3.
Habang nagambag naman sa lowpost si Rolando Pascual ng 7 points at si Lumunsod ng 5 points para idikit sa 73-67 , anim na lamang ang abante ng DENR.
Sa 4th quarter, hindi pa rin sumuko ang defending champion at nakipag pukpukan sa rookie team. May kabuuang 22 puntos sa quarter na ito sina Jerry Lumungsod, Boyet Bautista , Romeo Almerol at Darwin Cordero.
Umangat si Ed Rivera ng DENR sa kaniyang napakahalang 10-points at dalawang 3 na naipasok ni Ryan Abanes. Kinapos na ng oras ng Cavaliers at yumukod sa Warriors sa final score na 99-91
Finals most valuable player si ed rivera dahil sa ipinamalas nitong bangis sa hardcourt na kumamada ng 24 points,4 rebounds at isang block.
Si Ralp Lansang ay may 22 points para sa DENR , 20 points si Ryan Abanes at Archie Gamboa ng 11 points. Nanguna naman sa Cavaliers si Bautista na may 29 points ,Romeo Almerol ng 17 points at si Jerry Lumongsod ng 15 points at 11-points naman si Darwin Cordero.
(Bernard Dadis | UNTV News)
Tags: UNTV Cup Season 8
METRO MANILA – Pinalawig ng UNTV Cup ang paraan na makatulong ang mga koponan sa kanilang mga napiling beneficiary sa Liga ng Public Servants.
Kasabay ng serye ng kampeonato sa pagitan ng AFP Cavaliers at DENR Warriors, idinagdag ng UNTV Cup ang 3×3 basketball bilang supporta na rin sa layunin ng Samahang Basketbol ng Pilipinas na pasikatin ito sa buong bansa.
Sa ngayon, ang 3×3 format ng basketball ay kasama na sa mga laro sa 2020 Olympic Games.
Ang mga koponan na kasali sa torneo na ito ay ang mga teams na hindi nakasama sa Final 4: PhilHealth Plus, GSIS Furies, SSS Kabalikat, PNP Responders, Ombudsman Graftbusters, Malacañang-PSC Kamao, PITC Global Traders at Department of Agriculture Food Masters.
Ang mga match ups ay pinagpasyahan sa pamamagitan ng bunutan. Sa unang laro, tinalo ng PhilHealth Plus ang GSIS Furies, 19-15.
Pinangunahan ni Kenneth Emata ang PhilHealth sa pamamagitan ng 7 points na may supporta nga 12 puntos mula sa kanyang mga kakampi.
Sa ikalawang laro, pinataob ng SSS Kabalikat ang PNP Responders sa iskor na 13-10.
Naging mainit ang shooting ni Carlito Quiambao na kumunekta ng 8 puntos para sa SSS samantalang si Rolly Serrano naman ang bumida sa PNP na may 9 points. Sa pangatlong laban, ginulat ng Ombudsman Graft Busters ang Malacañang-PSC Kamao sa pamamagitan ng 1 puntos, 12-11.
Ang dating professional player na si Bernzon Franco ang nanguna sa Graft Busters samantala si John Michael Jimenez naman ay tumikada ng 8 puntos.
At sa huling laban, ang PITC Global Traders ay ibinaon ang Agriculture Food Masters, 14-9.
Si Rod William Vassallo ay nag-ambag ng 7 puntos para sa PITC samantalang si Sherwin Silva ang nagdala sa Agriculture Food Masters.
Ang apat na nanalong team ay maglalaro sa semifinals at finals na gaganapin sa Lunes, March 9, 2020 sa Smart-Araneta Coliseum.
Ang magka-kampeon sa 3×3 ay tatanggap ng P100,000 para sa kanilang charity samantala ang ikalawang pwesto ay P50,000.
Tags: UNTV Cup Season 8
