Ipinasa ni Miss Universe 2017 Demi Leigh Nel Peters ang korona sa bagong queen na si Catriona Gray ng Pilipinas.
Itinanghal namang first runner up si Miss South Africa Tamaryn Green at second runner up si Miss Venezuela Sthefany Gutiérrez. Si Gray ang ika-apat na Pilipinang nag-uwi ng korona para sa Pilipinas. Nauna sina Gloria Diaz noong 1969, Margarita Moran noong 1973, at Pia Wurtzbach noong 2015.
Sa bagong rules na inilabas ng Miss Universe Organization, unang tinawag ang top 20 kung saan ang bawat isang kandidata ay nagbigay ng kanilang 15 second opening statement.
Mula sa kanila, pinili ang top 10 na naglaban-laban naman sa evening gown at swimsuit round. Sa sampung binibini, kumuha ng limang naging finalists.
Kuminang ang pambato ng Pilipinas na si Gray pagrampa nito sa runway. Suot ang nakabibighaning all red gown ng Kapampangan designer na si Mak Tumang, rumampa ang bagong Miss Universe na talaga namang confidently beautiful.
Ang mga sagot ni Catriona ang nagpahanga ng labis sa crowd at mga judges, lalo na sa final question and answer portion. Diretso at walang paligoy-ligoy, beauty and brains caliber talaga.
Samantala, sa hinaharap ay isa sa mga adbokasiyang plano nitong gawin ang pagpapaigting sa HIV awareness. Tuwang-tuwa naman ang mga taga-suporta ni Catriona at proud sa inuwing regalo ng binibini para sa Pilipinas.
Full support din ang nakuha ni gray mula sa nakaraang Miss Universe Philippines Candidates na sina Shamsey Supsup, MJ Lastimosa, Rachel Peters at Pia Wurtzbach na nagpunta pa sa Bangkok upang saksihan ang naturang kompetisyon.
( Kath Dumaraos / UNTV Correspondent )
Tags: Catriona Gray, Miss Universe, Pilipinas
METRO MANILA – Sa loob ng unang 7 buwan sa pwesto ni Pangulong Ferdinand Bongbong Marcos Junior, nakaka-8 biyahe na ito sa labas ng bansa.
Panghuli ang World Economic Forum sa Davos-Switzerland kung saan nakwestyon ang bilang ng kaniyang delegasyon.
Tinanong ng UNTV ang Presidente sa espesyal na media interview araw ng Lunes, January 23 kaugnay ng mga biyahe ng presidente.
Aniya, babawasan na ng kaniyang administrasyon ang foreign trips ngayong 2023.
Ito ay upang mai-follow up ang mga nakausap nitong business at economic leaders na nagpahayag ng interes na mamuhunan o magpalawig ng kanilang operasyon sa Pilipinas.
Dagdag pa nito, ngayong 2023 ang confirmed na kaniyang dadaluhan ay ang nakatakdang apec economic leaders’ week sa San Francisco USA sa November 2023.
Paliwanag nito, mahalaga ang summit upang mapaigting ang relasyong pang-ekonomiya ng Pilipinas world’s leading economies.
Samantala, dumipensa naman ang presidente sa mga kumukwestyon sa sunod-sunod niyang biyahe abroad.
Aniya, kailangan niyang makipagkilala sa global partners bilang bagong presidente ng bansa.
ito ay upang mapatatag ang posisyon ng pilipinas sa international community.
Sa usapin naman ng transparency kung magkano na ang nagastos ng administrasyon ni PBBM sa foreign trips nito, ayon sa Presidente, wala pa siyang tiyak na halaga sa total expenses.
gayunman, tiniyak nito ang Transparency at Accountability sa ilalim ng kaniyang pamumuno.
Oras din aniyang ma-calculate ang kabuuang halaga ng expenses sa foreign trips, iuulat niya ito sa publiko.
(Rosalie Coz | UNTV News)
Tags: Pilipinas
METRO MANILA – Tiniyak ni Pangulong Ferdinand Marcos Jr. na isusulong niya ang strategic cooperation sa pagitan ng Pilipinas at China sa kaniyang 3-day state visit.
Partikular na pagdating sa usaping agrikultura, imprastraktura, kalakalan at pamumuhunan.
Ito aniya ang kaniyang tatalakayin sa kaniyang pakikipagpulong kay Chinese President Xi Jingping.
Bagamat hindi tinukoy ni Pangulong Marcos Jr. ang isyu sa West Philippine sea, umaasa siya na matatalakay ang usaping pang seguridad na kinakaharap ng 2 bansa.
Ayon kay PBBM, mahigit 10 bilateral agreements ang inaasahang malalagdaan ng Pilipinas at China.
Bukod sa pamumuhunan, isusulong rin ni Pangulong Marcos Jr. ang turismo sa Pilipinas.
Habang nasa state visit ang pangulo, magsisilbing caretaker ng bansa si Vice President Sara Duterte.
(Nel Maribojoc | UNTV News)
METRO MANILA – Umabot sa P505.8-B ang kabuuang expenditure ng bansa ngayong taon, 27.91% higit na mataas sa P395.4-B noong 2021.
Sa inilabas na datos ng Bureau of the Treasury (BTr), umabot sa P290.3-B ang kabuuang revenue ng gobyerno noong Hunyo, mas mataas ng 18.20% kumpara sa P245.6-B ng parehong period ng nakaraang taon. Nagresulta ito sa P215.5-B budget gap kumpara sa P149.9 milyon noong June 2021.
Ayon kay Finance Secretary Benjamin Diokno sa isang interbyu noong post-SONA economic briefing na ginanap sa Philippine International Convention Center (PICC) noong Martes (July 26), nangangailangan ngayon ang bansa ng bagong programa upang mahabol ang programmed spending at maabot ang target growth para sa taong 2022.
Aniya kahit na ang spending program sa loob ng 6 na buwan ay mas mababa sa target, maliit lamang ang pagkakaiba.
Sinabi rin ni Diokno na maaaring maabot ng Pilipinas ang target kung hindi lang nagkaroon ng election ban.
(Julie Gernale | La Verdad Correspondent)
Tags: Bureau of Treasury, Expenditure, Pilipinas
