Sa halos anim na raang sample ng gamot na nasuri ng Center for Drug Regulation and Research ng Food and Drug Administration, lumabas na anim na porsiyento ay mga counterfeit, walumput-isang porsyento ay unregistered habang nasa labing tatlong porsiyento naman ay mga illegally diverted.
Pangkaraniwang nabibili ang mga gamot na ito sa online shopping, maging sa mga hindi lisensyadong tindahan ng mga gamot.
Noong 2014, tinatayang 2.9 milyong pisong halaga ng mga peke at unregistered na gamot ang nakumpiska ng FDA, habang nasa mahigit limang milyong pisong halaga naman nito ang nakumpiska ngayong taon.
Dahil dito ,nababahala ang Food and Drug Administration at iba pang mga pharmaceutical association dahil sa lumalalang kaso nito sa Pilipinas.
Upang lalo pang mapaigting ang kampanya kontra iligal na pagbebenta ng mga pekeng gamot, hiniling ng FDA ang kooperasyon ng publiko, sa pamamagitan ng agarang pagbibigay alam ng mga ganitong kaso sa kanilang tanggapan.
Ayon sa Center for Drug Regulation and Research, importante na suriing mabuti ang lebel ng mga gamot na ating binibili upang matukoy kung ito ay peke o hindi.
Para sa mga may nais na i-report hinggil sa mga counterfeit o pekeng gamot, tumawag lamang sa FDA hotline number 807-8275 o mag-email sa report@fda.gov.ph
Kaalinsabay ng pagdiriwang ng National Consciousness Week Against Counterfeit Medicines, muli ring nagpaalala ang ahensya sa publiko na bumili ng mga gamot sa mga botikang lisensyado ng FDA, at ugaliing humingi ng resibo. (Joan Nano/UNTV News)
Tags: Center for Drug Regulation and Research, counterfeit, Food and Drug Administration, pekeng gamot
Inaprubahan na ng Food and Drug Administration ang dalawang self-administered COVID-19 antigen test kits.
Ayon kay FDA Officer-in-Charge Oscar Gutierrez, nabigyan na nila ng special certification ang Panbio Covid 19 antigen self test ng Abbot at sars-cov-2 antigen rapid test self test for home use ng Labnovation Technologies.
Inulat rin ni Gutierrez kay Pangulong Rodrigo Duterte kagabi, (Jan. 24, 2022) na aabot sa 86 antigen test kits ang naialis na sa merkado.
“Hindi nila na-meet ang RITM performance validation habang mayron silang special certification o ‘di kaya ‘di po sila rehistrado, authorized o kaya sinurernder ng special certification holder ‘yong kanilang certification,” ani Dr. Oscar Gutierrez, Officer-in-Charge, Food and Drug Administration.
Samantala, ayon kay Vaccine CZAR Carlito Galvez, Jr., posibleng masimulan na ang pagbabakuna sa batang may edad lima hanggang labing isa sa darating na February 4.
“Darating po next week mga supply at pwede na po tayong mag-rollout ng February 4, next Friday po,” pahayag Dr. Oscar Gutierrez, Officer-in-Charge, Food and Drug Administration
Ayon kay Galvez maglalagay sila ng dalawang vaccination site kada siyudad sa National Capital Region at papalawigin nila ito sa iba ring rehiyon matapos ang isang linggo.
Tiniyak ng Vaccine CZAR sa mga magulang na ligtas ang bakunang ituturok sa kanilang mga anak.
“Makaka-assure po tayo sa ating mga magulang na very safe ang ating gagamitin na bakuna dahil ito ay mas mababa ang formulation na angkop sa mga bata,” sinabi ni Galvez.
Para naman makatulong sa vaccination rollout ng pamahalaan, plano ng Department of Transportation na maglagay ng bakunahan sa MRT stations.
“Matatayo kami sa mga istasyon we have pin pointed already 4 station, where we will have on-site vaccinations program, eto ‘yung Cubao, Shaw Boulevard, ‘yung Boni at Ayala,” ani Sec. Arthur Tugade, Department of Transportation.
Bukod dito ay plano ring maglagay ng vaccination dite ang DOTR sa airport terminal at seaports pero ito ay didepende pa rin sa panuntunan ng Department of Health.
Sa kasalukuyan, aabot na sa 59.7 million na indibidwal ang nakatanggap na ng first dose, samantalang 57.2 million ang fully vaccinated na.
NeL Maribojoc | UNTV News
Tags: antigen test kits, Covid-19, Dr. Oscar Gutierrez, Food and Drug Administration, VACCINE CZAR CARLITO GALVEZ
Nag-iikot ang Food and Drug Administration (FDA) at National Meat Inspection Service (NMIS) sa mga planta sa bansa na nagpoproseso ng karne ng baboy.
Ayon kay Department of Health Undersecretary at FDA Officer in Charge Eric Domingo, 178 ang malalaking meat processing plant sa bansa at mahigit sa 60 na ang kanilang nasusuri na pawang negatibo naman sa African Swine Fever o ASF Virus.
“Tinitingnan natin yung kanilang mga planta tapos yung kanilang mga documents kung meron silang mga inspection at saka kung pasado sila sa lahat ng standards,” ani Usec. Eric Domingo, DOH/FDA OIC.
Nakikipag-ugnayan naman ang FDA sa Department of the Interior and Local Government upang makatuwang ang mga lokal na pamahalaan sa pagbabantay sa mga palengke.
Ayon kay Usec. Domingo, mahirap matukoy kung ang isang produkto ay may ASF kaya’t mas mabuting piliin ang mga brand na rehistrado sa FDA pero wala naman aniyang dapat na ipag-alala kung nakakain ng produkto na may ASF.
“Hindi naman po ito nakakahawa ng sakit sa tao. Kaya po natin siya talaga pinipigilan kasi ayaw nating kumalat sa iba pa pong hayop sa Pilipinas,” dagdag ni Usec. Domingo.
Isa sa mga produktong gawa sa karne ng baboy na mabili sa holiday season ay ang ham.
Ayon sa presidente ng isang grupo ng Supermarkets, parating pa lamang ang supply nila ng ham subalit mas maliit ang dami nito kumpara noong nakaraang taon.
Isa sa nakikitang dahilan ng pagbababa ng order ay ang outbreak ng ASF Virus.
“What is a bit difficult to estimate right now is how much ham should we order and how much ham will people buy,” ani Steve Cua, President, Philippine Amalgamated Supermarkets Association.
(Rey Pelayo | UNTV News)
Tags: ASF, Food and Drug Administration, National Meat Inspection Service
MANILA, Philippines – Pinag-iingat ng mga eksperto ang publiko sa paggamit ng mga produktong pampaputi na hindi dumaan sa pagsusuri ng Food and Drugs Administration (FDA).
Mapanganib anila sa kalusugan lalo na sa mga kababaihan kung ang magagamit na produkto ay may mataas na mercury content.
Samantala ang paniwala naman ng mga gumagamit ng pampaputi “the fairer the prettier” gayon din anila ay nakatatanggal ng wrinkles at nakakabata ang paggamit nito.
Para sa mga eksperto kailangang aprubado ng fda ang gagamitin whitening products upang makasiguro na ang gagamiting produkto ay hindi delikado sa kalusugan. Halimbawa dito ang mga produkto na may mataas na mercury content.
Ayon sa fda, mapanganib sa kalusuan ang anomang produkto na lagpas sa 1 part per million ang mercury content.
“Nagdi- decrease ng pigmentation ng ating balat kaya siya ginagamit na pampaputi. Kaya lang kung mataas ang kaniyang concentration isa siyang poison” ani DOH Undersecretary Eric Domingo
Samantala, malala ang epekto nito lalo sa mga kababaihan. Maaring magkaroon ng sakit sa bato at utak ang tao na madalas ma-expose sa mercury
“Unang-una nakaka- iritate siya ng balat, maaaring sumakit ang balat, magkaroong ng sugat. Magkaroon ng peklat at maaari din itong problema kapag mataas talaga ang concentration,maaari siyang maabsorb ng katawan ng tao. Kapag buntis pa iyong gumagamit lalo pang delikado, kasi maaari pa siyang maka- affect sa dinadalang bata” ani DOH Undersecretary Eric Domingo.
Ayon din sa skin expert na si Dra. Cathy, madami ang nadadaya ng mga skin whitening products lalo na kung hindi tinigtignan ang label at product content.
“The problem nowadays is kung anu-anong products po ang naglalabasan, minsan walang labels or minsan. Hindi natin alam kung anong ingredients ang nandito na maaaring harmful sa ating skin.especially nowadays my advice to my patients is to be able for them to read labels.” ani Aesthetic Dermatologist/Anti-Aging Specialist Dr. Catherine Dela Rosa- Porciuncula.
Payo nito maiging magpakonsulta muna sa mga professional dermatologists upang matiyak na safe ang isang produkto. Ayon pa kay Dra. Cathy, likas na kayumanggi ang mga pilipino lalo na’t proteksyon natin ito sa mainit na klima sa Pilipinas.
“We live in a tropical country so itong melanin itong kulay natin is actually our protection at swerte po tayo dahil sa balat natin it doesn’t cause burning.maganda siya talaga, it protects us from skin cancer.it protects us from other illnesses caused by the sun” ani Aesthetic Dermatologist/Anti-Aging Specialist Dr. Catherine Dela Rosa- Porciuncula.
Samantala hindi basehan ang pagiging maputi o kung anomang kulay ng iyong balat upang masabing maganda ka. Mas maganda pa rin sa paningin ng iba at sa mata ng ating lumikha ang may mabuting asal at puso. Ika nga, beauty comes from within.
(Aiko Miguel | Untv News)
