Isinasapinal na lamang ang draft ng Executive Order para sa implementasyon ng Freedom of Information sa pamahalaan.

Ayon kay Presidential Spokesman Ernesto Abella, wala namang pumipigil sa paglalabas ng E.O. kundi kinukumpleto na lamang ang ilang mga dapat na maging laman o mga probisyon ng E.O.

Dagdag ni Abella, posibleng sa susunod na linggo ay lagdaan na ni Pangulong Rodrigo Duterte ang naturang E.O.

Isang linggo na rin ang nakalipas matapos ang ginawang konsultasyon ng Malakanyang sa FOI advocates para sa pagbubuo ng E.O.

Una na ring inihayag ng Malakanyang na ikinukonsidera rin nila ang pagsusulong ng FOI Bill sa Kongreso.

(Nel Maribojoc / UNTV Correspondent)

Tags: Executive order, Malakanyang, pagpapatupad ng Freedom of Information, posibleng aprubahan, susunod na linggo