Reklamong graft, plunder at paglabag sa Government Procurement Law, ito ang mga bagong reklamong inihain ng mga opisyal ng Department of Transportation laban kina former DOTC Secretary Joseph Emilio Abaya, former DILG Secretary Mar Roxas at pito pang mga dating miyembro ng gabinete ng Aquino administration.
Nag-ugat ito sa umano’y maanomalyang 3.8 billion pesos maintenance contract ng MRT-3 sa Busan Universal Rail Inc. na kinuha dati ng DOTC.
Kasama rin sa mga inireklamo ang mga dating kalihim na sina Florencio Abad, Cesar Purisima, Jerico Petilla, Mario Montejo, Volatire Gazmin, Rogelio Singson at Arsenio Balisacan.
Paliwanag ng DOTr, bahagi ang mga ito ng Government Procurement and Policy Board na siyang nag-aapruba sa kukuning maintenance provider ng MRT.
Dawit rin sa reklamo ang ilan pang mga dating opisyal ng DOTC, former MRT General Manager Roman Buenafe at ilang pang executive officers ng Busan Universal Rails Incoporated o BURI.
Base sa 64-pahina ng reklamo, ginamit umano bilang fundraiser nila Abaya at Roxas ang nasabing kontrata kung saan nakinabang umano ang mga ito. Itinanggi naman ni Abaya ang mga akusasyon laban sa kaniya at sa mga dating kasamahan.
Iginiit nito na sang-ayon sa batas at dumaan sa tamang proseso ang pag-aaward ng kontrata sa BURI. Handa rin umano ang dating opisyal na harapin ang mga reklamong kaniyang kinasasangkutan.
Samantala, kumpiyansa naman ang BURI na malulusutan nila ang mga naturang kaso at nanindigang walang silang anumang pananagutan sa umano’y mga kwestionableng transaksyon na ibinibintang laban sa kanila.
Ito na ang ikalawang kaso na inihain ng DOTr laban sa mga dating opisyal na namamahala sa MRT.
( Joan Nano / UNTV Correspondent )
Tags: Aquino administration, DOTr, Ombudsman
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Magsasagawa ng malawakang nationwide jobs fair ang Department of Labor and Employment (DOLE) sa darating na Mayo 1 o araw ng Paggawa.
Nagtakda rin ang kagawaran ng 120 sites o lugar sa bansa na pagdarausan naman ng pamamahagi ng livelihood project kung saan inaasahang na aabot sa P671-M ang nakalaang pondo para sa mga beneficiaries.
Samantala, may handog din na libreng sakay ang DOLE katuwang ang Department of Transportation (DOTr) para sa mga manggagawa.
Magsisimula ang libreng sakay sa LRT-2 at MRT-3 ng alas-7 ng umaga hanggang alas-9 ng gabi at alas-5 ng hapon hanggang alas-7 ng gabi.
Para maka-avail ng libreng sakay, ipakita lamang ang inyong company ID o kaya ay anomang government issued ID kung walang company ID at edad 18 pataas.
METRO MANILA – Pinag-aaralan ngayon ng Metropolitan Manila Development Authority (MMDA) ang
pag-alis ng bicycle lane sa Edsa.
Plano ng ahensiya na palitan na lamang ito ng motorcycle lane.Ayon kay MMDA Acting Chairman Atty. Romando Artes, ito ay dahil aabot lang naman sa 1,500 ang mga bisikletang dumaraan sa Edsa kada araw habang nasa 117,000 na motorsiklo ang gumagamit ng lansangan bawat araw.Sa ngayon ay wala pa naman aniyang deadline para sa pag-aaral ng MMDA at Department of Transportation (DOTr) para sa
motorcycle lane sa Edsa maging sa pag aalis ng bicycle lane.
