Nagpa-alala ang Ecowaste Coalition na suriing mabuti ang bibilhing mga laruan ngayong holiday season kung ligtas ito sa kalusugan.
Dagdag pa ng grupo, hindi dapat isantabi ang kalusugan at kaligtasan ng mga bata sa mga bibilhing laruang. Ipinapayo rin sa mga mamimili na siguraduhing ang laruang bibilhin ay angkop sa edad ng bata, ang produkto ay lead-free o walang tingga ang pintura, matibay ang pagkakagawa, walang maliliit na bahagi na maaaring maisubo o malunok ng bata, may etiketa at rehistrado, hindi gawa sa PVC o malalambot na plastic at walang matutulis o nakasusugat na bahagi at walang matutulis o nakasusugat na bahagi. Kung de-tali, dapat ay hindi lalagpas sa 12 inches ang haba.
Panawagan ng grupo, mapagtibay na ang implementasyon ng Republic Act No. 10620 o ang Toy and Game Safety Law.
Taong 2013 nang malagdaan ito ni dating Pangulong Benigno Aquino III ang batas. Nakasaad dito na may karapatan ang mga mamimili na makita o mabasa ang mga impormasyon sa lalagyan ng mga laruan.
Gaya na lamang ng kung anong kinaaangkupang edad ng isang laruan, materyales sa pagkakagawa at ang manufacturer nito.
( Abi Sta. Ines / UNTV Correspondent )
Tags: Ecowaste Coalition, holiday season, laruan
METRO MANILA – Palalawigin ang operating hours ng LRT line 1 at 2, at ng MRT–3 simula ngayong December 20 hanggang sa December 23 ayon sa Department of Transportation (DOTr).
Ito’y dahil sa inaasahang pagdagsa ng mga pasahero dahil sa holiday rush.
Batay sa abiso ng DOTr, mula sa 9:30 pm last trip ng MRT sa North Avenue station, gagagawin na itong 10:30 pm.
Habang hanggang 11pm naman magpapa-pasok ng pasahero sa Taft Avenue station.
Ang LRT-1 naman mula sa 10pm na original schedule sa last trip mula sa Baclaran station ay extended hanggang 10:45pm .
Ang last trip naman sa FPJ station ay 11pm mula sa original schedule na 10:15pm .
Alas-10 naman ng gabi ang huling biyahe ng LRT-2 Antipolo station at 10:30 naman ng gabi sa Recto station.
Ang adjusted holiday operating hours sa mass transit systems ng bansa ay tugon na rin sa panawagan ni Transportation Secretary Jaime Bautista upang mas mapagsilbihan pa ang mga commuter.
Tags: holiday season, LRT, MRT
METRO MANILA – Inaasahan na maglalabas ang Department of Trade and Industry (DTI) ng listahan ng Suggested Retail Price (SRP) para sa mga produkto ngayong holiday season.
Sa isang panayam, sinabi ng DTI na maaaring ilabas ang nasabing listahan sa ikalawang Linggo ng Nobyembre.
Ayon pa sa ahensya, aabot sa 80% ng mga tagagawa ang nakapagsumite na ng request sa DTI para mapasama sa ilalabas na SRP.
Subalit, wala pang opisyal na anunsyo ang DTI kung may inaasahan silang pagtaas sa presyo ng mga produktong pang-holiday season.
Tags: DTI, holiday season, SRP
METRO MANILA – Naglunsad na ng security deployment plan ang Philippine National Police (PNP) para sa darating na mahabang bakasyon.
Ayon kay PNP Spokesperson PCol. Jean Fajardo, nasa mahigit sa 70,000 pulis ang kanilang ide-deploy simula sa susunod na Linggo.
Kabilang dito ang 39, 504 na itatalaga sa mga pasyalan at transportation hubs gaya ng airports, seaports at bus terminal.
Habang 38,387 naman ang ide-deploy bilang foot at mobile patrol para sa mas maigting na police presence sa mga pasyalan.
Bagamat walang natatanggap na banta sa seguridad ang PNP para sa mahabang bakasyon.
Itataas ng pambansang pulisya ang kanilang pag-alerto sa heightened alert status.
Sa ilalim ng heightened alert status, nasa 80% ng PNP personnel ang obligadong mag duty at umalalay sa publiko.
Maglalagay din aniya ng police assistance desk ang PNP maging sa mga pangunahing lansangan para umalalay sa exodus ng mga motorista.
Pakiusap naman ng PNP sa publiko, makipagtulungan sa mga otoridad para sa maayos at ligtas na paglalakbay.
(Lea Ylagan | UNTV News)
Tags: holiday season, PNP
