METRO MANILA – Ilang Linggo nang tuloy-tuloy ang pagtaas ng presyo ng produktong petrolyo.
Sa kabila nito, wala nakikitang dahilan ang Department of Trade and Industry (DTI) upang maglabas ng bagong Suggested Retail Price (SRP) bulletin ng mga pangunahing bilihin.
Ito ay dahil iisang food manufacturer lang ang umapela sa ahensya na taasan ang presyo ng kanilang produkto.
“So sa ngayon, because we have not received a lot of requests naman, ilan-ilan pa lang din iyon, and like I mentioned earlier, may isa lang that we received after the Ukraine-Russia conflict. Hindi pa natin nakikita na mag-a-adjust tayo ng presyo sa ngayon.” ani DTI Spokesperson, Usec. Ruth Castelo.
Nagbigay din ng katiyakan ang DTI sa publiko na walang dapat ipag-alala dahil walang magiging agarang epekto ang Russia-Ukraine conflict sa presyo ng mga bilihin sa bansa.
Ayon kay Usec. Castelo, may sapat na suplay ng produkto at raw materials ang food manufacturers gayundin ang retailers sa susunod na 3 buwan.
Gayunman, iba ang magiging sitwasyon kung lalala ang gulo sa Europe.
“We want to assure the public na ang presyo po ng mga pangunahing bilihin naiintindihan po natin kahit sa ayaw po natin o sa gusto, magkakaroon at magkakaroon ng impact sa atin pero, hindi pa po yan immediate. Hindi pa po yan sa ngayon, we’re looking at the next 3 months bago po mag-epekto yung nangyayari sa Europe” ani DTI Spokesperson, Usec. Ruth Castelo.
Sa kasalukuyan, kinukunsidera na at sinusuportahan ng DTI ang pag-iimbak ng agricultural products tulad ng imported frozen meat.
Enero nang maglabas ng huling SRP ang DTI.
(Rosalie Coz | UNTV News)
METRO MANILA – Nalagpasan ng Pilipinas sa kauna-unahang pagkakataon ang $100-B exports noong 2023.
Ayon sa export marketing bureau ng Department of Trade and Industry (DTI), ang full-year total exports ng bansa sa goods at services ay umabot sa $103.6-B noong nakaraang taon.
4.8 percent na mas mataas kumpara noong 2022.
Ayon sa DTI, ang paglago ng export ng Pilipinas ay dahil sa paglakas ng performance ng Information Technology at Business Process Management (IT-BPM) sectors.
Dagdag pa rito ang pagtaas ng kita mula sa turismo.
Tags: DTI
METRO MANILA – Ipapatupad na sa Lunes ang pinalawak na price cap sa mga basic necessities at prime commodities.
Ito ay matapos pirmahan ng Department of Trade and Industry (DTI) at Department of Agriculture (DA) ang joint administrative order para sa 5% discount ng mga Senior Citizens at Persons With Disability (PWD).
Kung saan mas malaki na ang kanilang matitipid sa mga produkto na kanilang bibilhin.
Ayon sa (DTI), mga local na produkto ang karamihang pasok sa diskwento at aplikable na rin ang 5% discount sa pagbili online.
Nilinaw naman ng DA na hindi kasama sa diskwento ang mga Kadiwa store, mga barangay micro business at mga kooperatiba na naka rehistro sa Cooperative Development Authority.
METRO MANILA – Nagpatupad ng price freeze sa essential commodities ang Department of Trade and Industry (DTI) sa 2 bayan sa Oriental Mindoro dahil sa El Niño.
Sakop nito ang mga bayan ng Bulalacao at mansalay na naideklarang isasailalim sa state of calamity dahil sa tagtuyot.
Sa loob ng 60 araw, hindi dapat gagalaw ang presyo ng delatang isda, processed milk, kape, sabong panlaba, sabon panligo, tinapay at bottled water.
Ang sinomang lalabag sa kautusan ay mahaharap sa hanggang 10 taong pagkakakulong o multang mula P5,000 hanggang P1-M.
Tags: DTI, Price freeze
