Nag-ikot sa ilang supermarket kahapon ang Department of Trade and Industry (DTI) upang matiyak na nakakasunod ang mga ito sa suggested retail price (SRP). Nais makumpirma ng kagawaran kung totoo ang natanggap nilang impormasyon na may mga overpriced na mga produkto.
Sa mga nalibot na supermarket, karamihan ay nakakasunod naman sa expanded SRP. Subalit kumpirmado na mayroong mga nagtaas ng presyo.
Ayon naman sa DTI, kung may nagtaas man ng presyo, mayroon pa rin namang mabibili sa mababang halaga. Pinababayaan na lamang daw ng DTI kung mayroong isa o dalawang produkto na nagtaas ng presyo dahil marami pa namang produktong maaaring pagpipilian.
Kung nag-ikot ang DTI, isang price inspection rin ang ginawa ng consumer group. Natuklasan ng mga ito na mas mahal ng 0.5 hanggang 1.50 ang ilang produkto na binebenta sa ilang pamilihan sa Metro Manila.
Ayon sa Laban Konsyumer, mataas ito kumpara sa nakalista sa bagong expanded SRP ng DTI. Ipinahayag ni Laban Konsyumer president Vic Dimagiba na dapat ay umaksyon ang DTI upang hindi mahirapan ang mga consumer sa tuloy-tuloy na pagtaas ng mga bilihin.
Aniya, dapat ay ihinto muna ng DTI ang pagtanggap sa mga price hike application hanggang sa unang quarter ng taong 2019, hikayatin ang mga consumer na huwag muna tangkilikin ang mga easy open canned goods dahil mas mahal ito ng singkwenta sentimo.
Ipatupad na ang probisyon sa TRAIN 1 na magbibigay ng 10% discount sa NFA rice sa kalahati ng populasyon ng mahihirap na mga Pilipino at mahigpit na pagbabantay sa presyo ng mga basic necessities and prime commodities sa buong bansa.
Samantala, inilunsad kahapon ng DTI ang kanilang bagong consumer hotline na 1-DTI o 1384. Ito ang numero na maaaring tawagan ng mga consumer sa anumang problema na may kinalaman sa kanilang reklamo sa mga produkto at iba pang consumer concern.
Ang 1384 ay tollfree para sa lahat ng consumer sa buong bansa.
( Mon Jocson / UNTV Correspondent )
Tags: DTI, Laban Konyumer, SRP
METRO MANILA – Nalagpasan ng Pilipinas sa kauna-unahang pagkakataon ang $100-B exports noong 2023.
Ayon sa export marketing bureau ng Department of Trade and Industry (DTI), ang full-year total exports ng bansa sa goods at services ay umabot sa $103.6-B noong nakaraang taon.
4.8 percent na mas mataas kumpara noong 2022.
Ayon sa DTI, ang paglago ng export ng Pilipinas ay dahil sa paglakas ng performance ng Information Technology at Business Process Management (IT-BPM) sectors.
Dagdag pa rito ang pagtaas ng kita mula sa turismo.
Tags: DTI
METRO MANILA – Ipapatupad na sa Lunes ang pinalawak na price cap sa mga basic necessities at prime commodities.
Ito ay matapos pirmahan ng Department of Trade and Industry (DTI) at Department of Agriculture (DA) ang joint administrative order para sa 5% discount ng mga Senior Citizens at Persons With Disability (PWD).
Kung saan mas malaki na ang kanilang matitipid sa mga produkto na kanilang bibilhin.
Ayon sa (DTI), mga local na produkto ang karamihang pasok sa diskwento at aplikable na rin ang 5% discount sa pagbili online.
Nilinaw naman ng DA na hindi kasama sa diskwento ang mga Kadiwa store, mga barangay micro business at mga kooperatiba na naka rehistro sa Cooperative Development Authority.
METRO MANILA – Nagpatupad ng price freeze sa essential commodities ang Department of Trade and Industry (DTI) sa 2 bayan sa Oriental Mindoro dahil sa El Niño.
Sakop nito ang mga bayan ng Bulalacao at mansalay na naideklarang isasailalim sa state of calamity dahil sa tagtuyot.
Sa loob ng 60 araw, hindi dapat gagalaw ang presyo ng delatang isda, processed milk, kape, sabong panlaba, sabon panligo, tinapay at bottled water.
Ang sinomang lalabag sa kautusan ay mahaharap sa hanggang 10 taong pagkakakulong o multang mula P5,000 hanggang P1-M.
Tags: DTI, Price freeze
