Pinatawan ng Land Transportation Office ng dalawang taong suspensyon sa pagmamaneho ang aktres at dating beauty queen na si Maria Isabel Lopez, ito’y matapos na labagin ni Lopez ang ipinatupad na traffic at security rules noong November 11, kung saan dumaan ito sa itinalagang ASEAN lane ng MMDA.
Base sa naging desisyon ng LTO, hindi maaring makapag-apply o makapag-renew ng kaniyang driver’s license si Lopez sa loob ng susunod na dalawang taon.
Bukod pa rito, pagmumultahin din ng MMDA ng walong libong piso si Lopez dahil sa paglabag nito sa Anti-Distracted Driving Law, reckless driving at disregarding.
