METRO MANILA – Umabot na sa kabuoang 75,479 na silid-aralan ang naipatayo ng Department of Public Works and Highways (DPWH) sa loob ng 3 taon.
Batay sa ulat ng ahensya, nasa 50,562 na silid-aralan ang naitayo noong 2017; 23,161 noong 2018 ; at 1,756 naman nitong taong 2019.
Sa pahayag ni DPWH Secretary Mark Villar, sinabi nito na mas maayos at maluwang na mga silid-aralan ang madaratnan ng mga estudyante sakaling bumalik na face to face classes.
“Sa ngayon ay may mga paaralan na may mataas na number ng enrolees ang may sapat na silid-aralan”, dagdag ni DPWH Secretary Mark Villar.
Sa ilalim naman ng proyektong Basic Education Facilities Fund (BEEF), nagsanib pwersa ang DPWH at DepEd sa pagpapatayo ng mga building, gumawa rin ang mga ito ng modipikasyon sa mga school building plans kung saan mula sa isa ay gagawing apat na palapag ang ang mga itatayong gusali na susubaybayan naman ng DepEd ang pagpapatayo.
Samantala, umaasa naman ang kalihim na mas marami pang mga silid-aralan sa pagsapit ng taong 2021.
(Kyle Nowel Ballad | La Verdad Correspondent)
Tags: DPWH, silid-aralan
Naglaan ng P87.4-M pondo ang national government upang maisagawa ang second phase ng malawakang pagsasaayos ng San Juanico Bridge na nag-uugnay sa mga isla ng Leyte at Samar.
Ayon kay Department of Public Works and Highways (DPWH) Eastern Visayas Regional Director Allan Borromeo, talagang kinakailangan ang proyektong pagsasaayos at pagkukumpuni ng tulay dahil mula nang itayo ito 50 taon na ang nakararaan ay wala pang naisasagawang rehabilitasyon para rito; ang paglala ng daloy trapiko taon-taon ay nakapagdaragdag ng problema sa istruktura ng tulay.
Nakalaan ang itinalagang budget para sa structural steel at pagpipintura sa 508.38 kilometro kwadradong bahagi ng tulay at paghihigpit sa mahigit 35 toneladang high-tension bolts.
Ang unang bahagi ng proyekto ay isinagawa noong nakaraang taon na may kaukulang budget na P96.25M na inilaan din sa structural steel, pagpipintura, pagpapahigpit at pagpapalit ng bolts at general scaffolding.
Inaasahang makukumpleto bago matapos ang taon ang ikalawang bahaging ito ng proyekto na sinimulan na noong Marso.
Samantala, ininspekyon ng mga engineer ng DPWH Bureau of Design at Bureau of Research and Standard ang tulay noong July 18 – 22 sa pamamagitan ng pagsusuri sa kundisyon nito. Sa ngayon ay hindi pa nailalabas ng DPWH ang findings ng naturang pagsusuri.
(Renajane Coyme | La Verdad Correspondent)
Tags: DPWH, San Juanico Bridge
METRO MANILA – Inilunsad nitong Martes (December 7) ng Department of Public Works and Highways (DPWH) ang isang programa na magbibigay oppurtunidad para sa mga nawalan ng trabaho dahil sa COVID-19 pandemic.
Ayon kay DPWH Secretary Roger Mercado, inilunsad nila ang Assistance to Youth and Unemployed for Development and Advancement (AYUDA) kung saan lahat ng kanilang departamento at mga district engineering offices ang siyang nanguna rito.
Dagdag pa ni Secretary Mercado na sa pamamagitan ng AYUDA program, mapapalawak pa ang Build, Build, Build program ng pamahalaan sa pamamagitan ng pagbibigay trabaho sa mga kabataan na nawalan ng hanapbuhay dahil sa pandemya.
“Target ng DPWH na mabigyan ng trabaho ang isang miyembro ng bawat pamilya na makakatulong upang may panggastos sila sa pang-araw-araw” ani DPWH Secretary Roger Mercado.
(Jeth Bandin | La Verdad Correspondent)
Tags: DPWH
Binigyan parangal ni Pangulong Rodrigo Duterte ang mga construction worker na pisikal na nagtatrabaho para sa pagbuo ng 7.42 kilometer na Sariaya Bypass Road Project sa Quezon Province sa kabila ng banta ng COVID-19.
“The Completion of the project is a testament to the – well let us give also honor to – itong mga nagtatrabaho, yung mga nagpapala doon ng ilang buwan (these workers, and those who have been shoveling for how many months)” ani Pangulong Rodrigo Duterte.
Pinuri din ni Pangulong Duterte ang kahusayan ng Department of Public Works and Highways (DPWH) at mga project partner sa pagsasakatuparan ng road project na magsisimula sa Manila South Road Daang Maharlika Road at hanggang Quezon Eco-tourism Road.
Pinuri din ni Pangulong Duterte si dating DPWH Secretary Mark Villar, nag bitiw sa pwesto si Villar upang tumakbo sa pagkasenador sa darating na 2022 Election.
Ang road project ay bahagi ng Build Build, Build infrastructure program ng Administrasyong Duterte.
(Jeth Bandin | La Verdad Correspondent)
Tags: DPWH
