METRO MANILA – Hindi maikakaila na malayo na ang narating ng Ninoy Aquino International Airport (NAIA) kumpara noong dati.
Ito ang paliwanag ng Department of Transportation (DOTr) kaugnay sa mga ulat na nakakuha ng pinakamababang marka ang naia bilang business class airport.
Batay sa isa umanong pag-aaral, nabigyan ng rating ang NAIA na world’s worst business class aiport dahil sa bilang ng mga destinasyon, on-time performance at rating mula sa Skytrax.
Ngunit pinabulaanan ng DOTr ang mga basehan ng pag-aaral ng bounce luggage storage.
Ayon sa DOTr, ang number of destinations ay tinutukoy at idinidikta sa pamamagitan ng bilateral at negosasyon sa air service.
Destination airport din anila ang NAIA at hindi hub airport kaya hindi ganoon karami ang business class lounges at onward destinations.
Airline companies rin ang pangunahing nakakaalam kung kailangang magtayo ng business class lounges para sa kanilang mga pasahero.
Dagdag pa ng DOTr, hindi kapani-paniwala na bagsak ang NAIA sa on-time performance na nabigyan ng 83% na score noong 2019 ng Air Carriers Association of the Philippines (ACAP).
Nabigyan rin anila ng Skytrax na 3-star rating na ibig sabihin ay fair o average ang staff service standards o ang production facilities ng NAIA.
Samantala, sa isang panayam ay sinabi ni outgoing Finance Secretary Carlos Dominguez III na maaaring ikonsidera ng susunod na administrasyon na ibenta ang property kung saan nakatayo ang NAIA.
Ito ay upang makakalap ang pamahalaan ng nasa P2-T na pondo mula sa mahigit 600 hectares na property ng NAIA.
Magagamit ito na pambayad sa utang ng bansa kabilang na ang mga ginastos sa COVID-19 pandemic response ng pamahalaan.
Magbibigay daan naman ito sa operasyon ng mas malalaking paliparan sa Clark at Bulacan.
(Asher Cadapan Jr. | UNTV News)
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Magsasagawa ng malawakang nationwide jobs fair ang Department of Labor and Employment (DOLE) sa darating na Mayo 1 o araw ng Paggawa.
Nagtakda rin ang kagawaran ng 120 sites o lugar sa bansa na pagdarausan naman ng pamamahagi ng livelihood project kung saan inaasahang na aabot sa P671-M ang nakalaang pondo para sa mga beneficiaries.
Samantala, may handog din na libreng sakay ang DOLE katuwang ang Department of Transportation (DOTr) para sa mga manggagawa.
Magsisimula ang libreng sakay sa LRT-2 at MRT-3 ng alas-7 ng umaga hanggang alas-9 ng gabi at alas-5 ng hapon hanggang alas-7 ng gabi.
Para maka-avail ng libreng sakay, ipakita lamang ang inyong company ID o kaya ay anomang government issued ID kung walang company ID at edad 18 pataas.
METRO MANILA – Pinag-aaralan ngayon ng Metropolitan Manila Development Authority (MMDA) ang
pag-alis ng bicycle lane sa Edsa.
Plano ng ahensiya na palitan na lamang ito ng motorcycle lane.Ayon kay MMDA Acting Chairman Atty. Romando Artes, ito ay dahil aabot lang naman sa 1,500 ang mga bisikletang dumaraan sa Edsa kada araw habang nasa 117,000 na motorsiklo ang gumagamit ng lansangan bawat araw.Sa ngayon ay wala pa naman aniyang deadline para sa pag-aaral ng MMDA at Department of Transportation (DOTr) para sa
motorcycle lane sa Edsa maging sa pag aalis ng bicycle lane.
