Magpapatuloy sa ngayon ang ginagawang otopsiya ng Public Attorneys Office sa mga bata na hinihinalang namatay dahil sa Dengvaxia.
Ayon kay Justice Sec. Vitaliano Aguirre, wala pa siyang utos sa PAO na itigil na ang imbestigasyon nito.
Nais din ng kalihim na magbigay ng written position sa DOJ ang grupo ni dating Health Sec. Esperanza Cabral bilang paliwanag kung bakit dapat itigil ang pagsusuri ng PAO.
Ikinatuwa naman ito ni Cabral at sinabing pag-uusapan muna ito ng kanilang grupo. Noong Linggo lamang, nanawagan si Cabral at ang grupo ng mahigit 300 mga doktor na itigil na ng PAO ang ginagawa nitong otopsiya sa mga bangkay.
Napatunayan na aniya na hindi Dengvaxia ang ikinamatay ng labing-apat na batang sinuri ng PAO.
Hindi rin kumbinsido sa ginawang pagsusuri ng PAO ang isa sa mga health experts na kasama sa nanawagang itigil na ang otopsiya sa mga hinihinalang biktima ng Dengvaxia.
Nanindigan pa ang dating Health Secretary na ligtas ang Dengvaxia at walang dapat ikabahala ang publiko sa pagpapaturok nito.
( Roderic Mendoza / UNTV Correspondent )
METRO MANILA – Kapwa tinutulan ng Department of Justice (DOJ) at Philippine National Police (PNP) ang mga panawagang secession o paghiwalay ng Mindanao sa Pilipinas.
Ayon sa DOJ, labag sa prinsipyo ng democratic society ang secession alinsunod sa Article 2, Section 2 ng konstitusyon.
Bilang principal law agency ng ehekutibo, nananatili umanong committed ang DOJ sa pangangalaga sa soberanya ng Pilipinas.
Ayon naman kay PNP Chief PGen. Benjamin Acorda Jr., hindi maaaring mabalewala ang maraming buhay at dugo na isinakripisyo para sa kapayapaan ng Mindanao at posibleng magresulta umano ng gulo ang paghihiwalay dito.
METRO MANILA – Aminado ang Department of Justice (DOJ) na mahirap para sa Bureau of Immigration (BI) na matukoy ang pagkakakilanlan ng mga imbestigador mula sa International Criminal Court (ICC) na papasok sa Pilipinas
Ayon kay DOJ Spokesperson Assistant Secretary Mico Clavano, hindi basta mabeberipika o makukumpirma ng immigration ang pagkakakilanlan ng mga ito.
Gayunman, naniniwala ng DOJ na wala pang presensya ang ICC investigators dito sa Pilipinas, taliwas sa mga kumakalat na balita.
Nauna nang sinabi ni Dating Presidential Spokesperson Harry Roque na kumpirmadong nakapasok na ng Pilipinas ang mga kinatawan ng ICC at nagsasagawa na ng imbestigasyon.
Kaugnay nito, nais sana ng DOJ na makausap si Attorney Roque, upang maibahagi sa kanila ang mga impormasyong nalalaman nito hinggil sa ICC.
METRO MANILA – Ikinatuwa ng mga kinatawan ng International Community ang pansamantalang paglaya ni Former Senator Leila De Lima, matapos ang halos 7 taong pagkakakulong.
Sa isang tweet sinabi ni United States Ambassador to the Philippines MaryKay Carlson, na isang welcome news ang paglaya ng naturang senador.
Aniya, maresolba na sana ang lahat ng mga kasong kinakaharap ni De Lima.
Ayon naman kay European Union Ambassador Luc Veron, ang paglaya ni De Lima ay isang mahalagang hakbang sa pananaig ng batas sa Pilipinas.
Pinuri rin ng embahada ng Canada at the Netherlands ang hakbang at sinabing nawa’y makamit ng dating senadora ang hustisya na nararapat sa kaniya.
Tags: DOJ, Ex Sen. Leila De Lima, SC
