Dismayado at hindi makapaniwala si Health Secretary Francisco Duque III sa natuklasang umano’y maanomalyang brgy. health station project ng Department of Health (DOH).
Umaabot sa 8.1 bilyong piso ang inilaang pondo para sa proyektong ito na naglalayong makapagtayo ng 5,700 BHS sa buong bansa para magkaroon ng access sa primary care ang mga tao.
Ngunit sa pag-upo ni Sec. Duque sa pwesto, nakita niyang kaduda-duda ang proyekto dahil wala aniyang malinaw na dokumentong nagpapatatunay sa procurement process nito.
Napag-alaman din ng DOH na sa mahigit limang daang BHS na dapat maipatayo, 8 lang sa target na 270 units ang validated na naipatayo at maari nang gamitin.
Tinitiyak ni Sec. Duque na idadaan sa due process ang imbestigasyon nito at muling magkakaroon ng revamp kapag napatunayan na may mga opisyal at tauhan ng kagawaran na sangkot sa maanomalyang transaksyon.
Nagsumite na rin si Sec. Duque ng request sa Ombudsman para sa fact-finding investigation ng naturang anomalous activity ng ilang opisyal ng DOH upang masampahan sila ng karampatang administrative at criminal charges.
( Aiko Miguel / UNTV Correspondent )
Tags: DOH, Ombudsman, Sec. Duque
METRO MANILA – Nilinaw ng Department of Health (DOH) na walang naiulat na nasawi dahil sa Monkeypox na tinatawag na ngayong MPOX.
Ayon kay Health Assistant Secretary Albert Domingo, walang pasyenteng nasawi sa MPOX mula sa anomang rehiyon ng bansa .
Nilinaw ito kasunod ng ulat na iniimbestigahan ng DOH sa Central Visayas ang pagkasawi ng isang 27-anyos na lalaki mula sa Negros Oriental, sa pinaghihinalaang kaso ng MPOX.
Paliwanag ni Asec. Domingo, halos magkahawig kasi ang mga butlig o sintomas ng chickenpox, shingles, herpes, at MPIX.
Kaya paalala niya na antayin ang opisyal na pahayag mula sa DOH at iwasan ang paggamit ng hindi beripikadong impormasyon.
METRO MANILA – Umakyat na sa 9 ang bilang ng mga nagpositibo sa sakit na Pertussis sa buong Caraga region mula January 1 hanggang kahapon, June 3.
Ayon sa Department of Health (DOH), mula sa 5 ay naging 9 ang nagpositibo sa rehiyon sa pagpasok ng buwan ng hunyo. 7 rito ay mula sa Surigao Del Norte habang tig-1 naman sa Agusan Del Norte at Agusan Del Sur.
Samantala, nasa 7 naman ang bagong suspected cases na naitala sa rehiyon. Sa ngayon 3 na ang nasawi dahil sa sakit na Pertussis sa Caraga.
Paalala ng kagawaran sa publiko na ang nasabing sakit ay nagsisimula lamang sa mild cough at lagnat na umaabot hanggang 2 Linggo, at pag-ubo naman na umaabot hanggang 6 na Linggo kaya mas maiging magpatingin agad sa doktor kung makaranas ng mga sintomas na ito upang hindi na lumala pa.
METRO MANILA – Binalaan ni House Deputy Majority Leader at dating Department of Health (DOH) Secretary Janette Garin ang publiko laban sa paggamit ng vape.
Kasunod ito ng naitalang kauna-unahang kaso ng pagkamatay sa Pilipinas dahil sa paggamit nito kung saan ang isang 22 anyos na lalaki ang nasawi matapos ang tuloy-tuloy na paggamit ng vape sa loob ng 2 taon.
Sa isang pahayag, sinabi ng mambabatas na kailangan mamulat na ang lahat sa panganib ng paggamit ng naturang device lalo na sa mga kabataan dahil sa masamang epekto nito sa katawan na maaaring mauwi sa kamatayan.
Ikinababahala ni Representative Garin ang mga ulat na nagsasabing may mga kabataang edad 13 anyos ang nahuling gumagamit na ng e-cigarette at vapes kaya muli nitong binigyang-diin na hindi safe na gawing alternatibong paraan ang nasabing kagamitan para maiwasan ang paninigarilyo.
