METRO MANILA – Tapos na ang compliance period na ibinigay ng Department of Energy (DOE) para sa mga distributor at retailers ng Liquefied Petroleum Gas (LPG) sa sa ilalim ng LPG Industry Regulatory Act of 2021 (LIRA).
Sa ilalim ng batas, kinakailangan nang nakarehistro ang mga dealer, retailer at distributors at refilling stations ng LPG.
Bunsod nito, pina-igting ng DOE ang pagbabantay sa mga nagbebenta ng cooking gas.
Bukod sa lisensya, kailangan din ng maayos na pasilidad para sa imbakan ng LPG tanks.
Ayon kay Energy Senior Science Research Specialist Robert Cardinales, maging ang pagdedeliver ng mga ito ay kailangang maingat. Tinaasan rin nila ang multa sa mga lalabag.
Mula sa dating iP1,000-P5,000, ngayon ay nasa P25,000 na ang penalty.
Samantala, nagpaalala rin ang DOE sa publiko na kung bibili ng LPG ay siguraduhing nasa tama ang timbang nito, maging ang labelling at marking ng tangke.
Sa ngayon, aabot na sa P5,000 aplikante ang lumalapit sa ahensya para magpasa ng mga dokumento at makakuha ng lisensya para makapag operate ng refilling station.
(Bernadette Tinoy | UNTV News)
METRO MANILA – Epektibo na ang malakihang pagtaas sa presyo ng mga produktong petrolyo simula ngayong araw ng Martes June 18.
Batay sa magkakahiwalay na abiso ng mga kumpanya ng langis, tataas ng P1.70 ang presyo ng kada litro ng Diesel.
Aabot naman sa P0.85 ang dagdag sa kada litro ng gasolina.
Samantala, madaragdagan naman ng P1.90 ang kada litro ng Kerosene.
Nauna ng sinabi ng Department of Energy (DOE) na ang bigtime oil price hike ay bunsod ng naitalang pagtaas sa inaasahang demand ng langis ng iba’t ibang mga ahensya sa mundo.
Nakaapekto naman din ang pabago-bagong galaw sa presyo ng langis sa international market.
Tags: DOE, oil price hike
METRO MANILA – Magkakaroon ng paggalaw sa presyo ng mga produktong petrolyo ang mga kumpanya ng langis bukas, araw ng Martes (June 4).
Batay sa inisyal na pagtaya ng mga oil company, maaaring tumaas ng P0.40 hanggang P0.60 ang presyo ng kada litro ng Diesel.
Magkakaroon naman ng malaking rollback na P0.90 hanggang P1.10 sa presyo ng kada litro ng gasolina.
Posible rin ang price hike na P0.60 hanggang P0.80 sa presyo ng kada litro ng kerosene.
Mamaya, iaanunsyo ng mga kumpanya ng langis ang final price adjustment na ipatutupad nila bukas.
Ayon sa industry players, bunsod pa rin ito ng pabago-bagong galaw sa presyo ng langis sa international market.
Sinabi naman ng Department of Energy (DOE) na nakaapekto sa naturang paggalaw sa presyo ang inaasahang production cut ng Organization of Petroleum Exporting Countries (OPEC).
Tags: DOE, oil price hike, OPEC
METRO MANILA -Ipatutupad na ngayong araw (May 28) ang pagtaas sa presyo ng mga produktong petrolyo.
Batay sa magkakahiwalay na abiso ng mga oil company, tataas ng P0.40 ang presyo ng kada litro ng Diesel at gasolina.
P0.30 naman ang dagdag presyo sa kada litro ng Kerosene.
Ayon sa Department of Energy (DOE), nakaaapekto pa rin sa presyo ng petrolyo ang nananatiling geopolitical tensions sa Middle East.
Tags: DOE, oil price hike
