MALACAÑANG, Philippines – Tiwala si Budget Secretary Benjamin Diokno na hindi ibi-veto ni Pangulong Duterte ang Rice Tariffication Bill na nakatakdang maging batas sa Biyernes, February 15.
Ayon kay Diokno, nagpadala na siya ng sulat sa tanggapan ng Pangulo upang hikayatin itong pirmahan ang panukala.
“We just sent a memo to the President strongly urging the signing of the Rice Tariffication Bill. I understand there are strong lobby for veto but let’s wait. It could either lapse into law or the President will approve it but certainly a veto is not possible I think.” aniya.
Sa ilalim ng nasabing bill, aalisin ang limitasyon sa pag-aangkat ng bigas ng pribadong sektor sa bansa. Sa oras na maisabatas ito, di na mangangailangang humingi ng import license ang mga rice trader sa National Food Authority. Ito ay nangangahulugang mawawala na ang regulatory function ng NFA sa Rice Importation. Kaugnay nito, sinabi rin ni Diokno na ang Department of Finance na ang bahalang maghanap ng solusyon sa utang ng NFA na tinatayang nasa P200 billion.
Naghahanap na rin umano ng paraan ang Economic Managers ni Pangulong Duterte kung paano makatutulong sa pagpapalago ng sektor ng agrikultura.
Katunayan noong 2018, 0.1% ang naiambag ng sektor na ito sa paglago ng ekonomiya ng bansa.
“We have to put pressure on this sector to improve themselves and increase productivity because right now, they are not competitive. Our production cost is much higher than the whole price of rice for example.” saad niya.
Samantala, ilan sa mga napag-usapan sa nakalipas na Cabinet Meeting ni Pangulong Duterte ang mga paraan kung paano mapagagaan ang kabuhayan ng mga magsasaka at mangingisda, desisyong bigyan ang mga ito ng mas epektibong access sa credit at loan facilities at pagpapaigting sa agricultural productivity.
(Rosalie Coz | UNTV News)
Tags: Budget Secretary, Budget Secretary Benjamin Diokno, rice tariffication bill
METRO MANILA, Philippines – Pinawi ng Malacañang ang pangamba ng mga magsasaka sa posibilidad na magamit sa katiwalian ang sampung bilyong pisong taunang pondo na ilalaan mula sa mga taripang nakolekta sa mga imported na bigas.
Matatandaan na sinasabing ginamit para sa pangangampanaya ni dating Pangulo at ngayo’y House Speaker Gloria Arroyo noong 2004 ang 728-milyon pisong fertilizer fund. Ngunit hindi kinatigan ng korte ang mga kasong isinampa laban kay Arroyo at kay dating Agriculture Undersecretary Joc-joc Bolante.
Samantala, pangunahing responsable naman sa pagtitiyak na wasto ang paggamit ng pondo sa rice competitiveness enhancement si Agriculture Secretary Emmanuel Piñol. Katuwang ng kalihim ang mga kooperatiba ng mga magsasaka at lokal na pamahalaan sa pagsisiyasat at pag-update ng listahan ng mga karapat-dapat na benepisyaryo sa Rice Competitiveness Enhancement Fund.
Ang Congressional Oversight Committee on Agricultutal and Fisheries Modernization naman ang magsasagawa ng periodic review sa rice fund.
Umapela naman ang Palasyo sa mga kinatawan ng mga magsasaka na sumali sa mga talakayan at pag-aaral ng rice industry roadmap. Ito ay upang maisaayos ang pagpapatupad ng Rice Tariffication at matiyak na hindi magagamit sa katiwalian ang pondong nakaukol para sa mga magsasaka.
Pangunahing layon naman ng pondo sa Rice Competitiveness Enhancement na bigyan ng ayuda ang mga magsasaka upang mapabuti ang kanilang ani sa pamamagitan ng farm mechanization at pagkakaloob sa kanila ng high-yielding crop.
Ani Finance Assistant Secretary Tony Lambino, “Ang mahalaga po kasi ay pagandahin po natin ang ating imprastraktura around the rice production sector. Kailangan din po nating gawin na mas maganda ‘yung services para sa ating mga farmers.”
(Rosalie Coz | UNTV News)
METRO MANILA, Philippines – Muling nanawagan kay Pangulong Rodrigo Duterte ang ilang grupo ng mga magsasaka, tindero ng bigas at maging mga empleyado ng National Food Authority (NFA) na huwag lagdaan ang Rice Tariffication Bill.
Pangamba ng grupo mawawala ang suplay ng murang bigas sa palengke kung maisasabatas ang naturang panukala. Pangamba ng grupo, mawawala ang murang bigas sa merkado na isinusuplay ng NFA kung maisasabatas ang panukala dahil ang magiging mandato na lamang ng kagawaran ay ang mag-imbak ng bigas para sa panahon ng kalamidad.
Mas malaki anila ang posibilidad na manipulahin ng mga trader ang presyo at suplay ng bigas dahil mawawala na rin ang kontrol ng NFA sa mga papasok na bigas sa bansa.
Ani Orly Manuntag, ang tagapagsalita ng GRECON, “Ibig sabihin din nito sa batas na Tariffication Bill, hindi na sila magi-intervene sa market. So, wala tayong makikitang NFA rice sa lahat ng palengke.”
Hindi rin anila dapat isabay sa panahon ng anihan ang pag-aangkat dahil lubhang maaapektuhan nito ang mga magsasaka.
“Anumang buwan tuloy-tuloy ang pag-import ng bigas. Ito ay masama sa ating ekonomiya lalong-lalo na sa farmers.”
Hindi rin anila sapat ang sampung bilyong pisong ayuda na ilalaan ng pamahalaan para sa mga magsasaka kaugnay sa panukala maging ang pitong bilyong pisong ibibigay sa nfa na pambili ng palay.
“Ito ay 4.2 million lang ng bigas. Ibig sabihin po nito 6-7 days lang ang buffer stock ng NFA.”
Nilinaw naman ni NFA Officer-in-Charge Tomas Escarez na hindi naman nila tinututulan ang kabuoan ng panukalang batas. May ilang mga probisyon lamang aniya na nakikita nilang makakaapekto sa grain industry gaya pag-aalis sa kapangyarihan ng NFA na bumisita sa mga pribadong bodega.
“The very reason why the NFA was created in 1972 was right after martial law. One is to stabilize the price and number two is to put in order the very chaotic grains industry. Nag-aalala kami ngayon kung bigla mong aalisin ‘yan ano kaya mangyayari dito?”
Hindi pa rin naman aniya masasabing tuluyan nang mawawala ang supply ng NFA rice sa merkado at maaaring masolusyunan pa ito sa gagawing implementing rules and regulations.
Sa ngayon aniya ay may 14 na milyong sako ng bigas na nakaimbak ang NFA at tatagal pa hanggang sa Agosto ang suplay nito para sa merkado.
(Rey Pelayo | UNTV News)
Tags: bigas, grecon, NFA, Pangulong Rodrigo Duterte, rice tariffication bill
METRO MANILA, Philippines – Kung hindi ibi-veto ni Pangulong Rodrigo Duterte, nakatakda nang maging batas ang Rice Tariffication Bill sa Biyernes, Pebrero 15.
Sa ilalim nito, aalisin ang limitasyon sa pag-aangkat ng bigas ng pribadong sektor sa bansa.
Kumpiyansa naman si Budget Secretary Benjamin Diokno na hindi ito ibi-veto ng Punong Ehekutibo. Nagpadala na rin siya ng sulat sa tanggapan ni Pangulong Duterte upang hikayatin itong pirmahan na ang panukala.
“We just sent a memo to the President strongly urging the signing of the Rice Tariffication Bill. I understand there are strong lobby for veto but let’s wait. It could either lapse into law or the President will approve it but certainly a veto is not possible, I think.”
Oras na maisabatas ang Rice Tariffication Bill, hindi na rin nangangailangang humingi ng import license ang mga rice trader sa National Food Authority (NFA).
Ibig sabihin, mawawala na ang regulatory function ng NFA sa rice importation.
Dagdag naman ni Diokno, ang Department of Finance na ang bahalang maghanap ng solusyon sa utang ng NFA na tinatayang nasa 200 bilyong piso.
Samantala, sinabi rin ng kalihim na naghahanap ng paraan ang economic managers ni Pangulong Duterte kung papaano makatutulong sa pagpapalago ng sektor ng agrikultura.
Noong 2018, 0.1 percent ang naiambag ng sektor na ito sa paglago ng ekonomiya ng bansa.
“We have to put pressure on this sector to improve themselves and increase productivity because right now, they are not competitive. Our production cost is much higher than the whole price of rice for example,” aniya.
Sa nakalipas na cabinet meeting ni Pangulong Duterte, pinag-usapan ang mga paraan kung paano mapapagaan ang kabuhayan ng mga magsasaka at mangingisda. Gayun na rin kung paano ang epektibong paraan ng pagpapautang at pagpapaigting sa agricultural productivity.
(Rosalie Coz | UNTV News)
Tags: benjamin diokno, Budget Secretary Diokno, magsasaka, Pangulong Rodrigo Duterte, rice tariffication bill
