Makukulong o di kaya’y magmumulta ang sinomang mahuhuli na nagpapaputok ng ipinagbabawal na paputok ayon sa Department of the Interior and Local Government.
Ayon kay DILG OIC Usec. Catalino Cuy, taon-taon ay nag-aabiso sila na iwasang gumamit ng prohibited firecrackers dahil mayroon itong kaukulang parusa. Twenty thousand hanggang thirty thousand ang multa at pagkabilanggo na tatagal hanggang isang taon ang parusa sa sinomang lalabag sa kautusan.
Sa lungsod ng Caloocan, animnaput apat na designated firecracker zone ang itinalaga sa buong lungsod. Nag-inspeksyon rin ang PNP Caloocan sa isang designated firecracker zone sa isang barangay sa lungsod.
Isa ang barangay 125 sa Caloocan sa mga humabol at nakiusap sa PNP upang payagan na magkaroon ng firecracker zone, tinignan naman ng PNP subalit sinabihan sila na ihanda ang ilang mga bagay na kinakailangan.
Laking pasasalamat ng barangay dahil napayagan sila na magkaroon ng designated firecracker zone at makaiwas sa disgrasya.
Sa darating na Sabado ay isang caravan ang isasagawa sa buong Caloocan upang paalalahanan ang publiko kaugnay ng total firecracker ban sa bansa
( Mon Jocson / UNTV Correspondent )
Tags: DILG, firecracker zone, paputok
METRO MANILA – Hinikayat ng DILG ang mga Local Governments Units (LGUs) na i-update ang kanilang disaster action plans at hazard maps para sa pagpasok ng La Niña phenomenon.
Ayon kay DILG Undersecretary Marlo Iringan, kinakailangan na regular na magdaos ng pagpupulong ang mga lokal na opisyal at magsagawa ng la nina pre-disaster risk assessment.
Nanawagan din ito ng agresibong paglilinis ng Estero at daluyan ng tubig upang maiwasan ang mga pagbaha bilang bahagi ng mitigation measures sa ilalim ng operation listo ng ahensya.
Kinakailangan din na masuri ang integridad at kapasidad ng mga evacuation center at huling opsyon na lamang ang paggamit ng paaralan.
Nauna ng inatasan ni Pangulong Ferdinand Marcos Jr. ang mga LGU na maghanda sa paparating na La niña sa kabila pa rin ito ng nararanasang El niño ng bansa.
METRO MANILA – Binuo ni Pangulong Ferdinand Marcos Junior ang isang special committee na tututok sa pagtatanggol at pagpapalakas sa karapatang pantao sa bansa.
Batay sa Administrative Order (AO) Number 22 na nilagdaan ni Executive Secretary Lucas Bersamin nitong May 8, nakasaad na pamumunuan ang komite ng nabanggit na opisyal at ni Justice Secretary Crispin Remulla bilang Co-Chair nito.
Magiging katuwang nila ang mga kalihim ng Department of Foreign Affairs (DFA) at ng Department of the Interior and Local Government (DILG).
Isa sa pangunahing tungkulin ng komite ang mag-imbestiga, kumuha ng datos hinggil sa mga hnihinalang human rights violations ng law enforcement agencies at makipagtulungan sa private sectors.
METRO MANILA – Nagbigay na ng direktiba si Pangulong Ferdinand Marcos Junior sa Department of the Interior and Local Government (DILG) at mga law enforcement agency na palakasin ang kampanya laban sa mga umaabuso sa mga kabataan.
Ikinabahala kasi ng pangulo ang online sexual abuse o exploitation of children at child sexual abuse o exploitation materials sa bansa, partikular na sa Cagayan De Oro, Iligan at sa Taguig City.
Tiniyak naman ng Philippine National Police na gagawin ang lahat ng paraan para matukoy ang mga nagpapatakbo ng ilegal na gawain na ito kahit na may hamon sa paggamit ng teknolohiya.
Tags: Child Online Abuse, DILG, PBBM
